न्युज डेस्क – ओव्हर द टॉप म्हणजेच OTT ने मनोरंजन विश्वात आपले वेगळे स्थान निर्माण केले आहे. तर भारतात नेटफ्लिक्सपासून डिस्ने प्लस हॉटस्टार आणि एमेझॉन प्राइम व्हिडिओपर्यंत अनेक डिजिटल प्लॅटफॉर्म आहेत, जिथे बरेच चित्रपट आणि वेब सीरिज आहेत. अनेक चित्रपट आणि वेब सिरीज अश्लील, बोल्ड सीन्स आणि हिंसाचाराने भरलेल्या असतात. आता OTT वरील अश्लील आणि हिंसक मजकुराबाबत भारत सरकारने पुढाकार घेतल्याचे वृत्त आहे.
सरकारी दस्तऐवज आणि स्रोतानुसार, भारताने Netflix , Disney आणि इतर स्ट्रीमिंग सेवांना ऑनलाइन दाखवण्यापूर्वी अश्लीलता आणि हिंसाचारासाठी सामग्रीचे स्वतंत्रपणे पुनरावलोकन करण्यास सांगितले आहे.
माहिती आणि प्रसारण मंत्रालयात 20 जून रोजी झालेल्या बैठकीत स्ट्रीमिंग प्लॅटफॉर्मवर हा प्रस्ताव ठेवण्यात आला होता. ओटीटी प्लॅटफॉर्म म्हणून ओळखल्या जाणार्‍या स्ट्रीमिंग कंपन्यांनी आक्षेप घेतला आणि कोणताही निर्णय झाला नाही. मंत्रालयाने बैठकीत ओटीटी प्लॅटफॉर्मवर अश्लील आणि हिंसक सामग्रीबद्दल चिंता व्यक्त केली होती.
माहितीनुसार, नेटफ्लिक्स आणि एमेझॉनची भारतात जबरदस्त लोकप्रियता आहे. मीडिया पार्टनर्स आशियाच्या मते, 2027 पर्यंत हा प्रदेश $7 अब्जची बाजारपेठ बनणार आहे. आता बॉलीवूडचे टॉपचे कलाकारही ओटीटीवर पाऊल ठेवत आहेत. अनेक चित्रपट थेट OTT वर प्रदर्शित होत आहेत.
या बैठकीला Amazon, Disney, Netflix, Viacom18, Apple आणि Reliance सारख्या मोठ्या कॉर्पोरेट दिग्गजांनी हजेरी लावली होती. चित्रपटांमधील अशा आशयावर आळा घालण्यासाठी सेन्सॉर बोर्ड ज्या प्रकारे आहे, या प्रस्तावानंतर ओटीटीचे जग बदलेल का, हे पाहणे बाकी आहे.
