रेसलिंग फेडरेशन ऑफ इंडियाचे (WFI) अध्यक्ष ब्रिजभूषण सिंग यांच्याविरोधात आंदोलन करणाऱ्या कुस्तीपटूंच्या आंदोलनाला नवे वळण लागले असल्याची मीडियामध्ये चर्चा सुरु आहे. 2016 च्या रिओ ऑलिम्पिकमध्ये कांस्यपदक जिंकणारी कुस्तीपटू साक्षी मलिकने या आंदोलनातून माघार घेतली असून ती रेल्वेत नोकरीवर परतली असल्याचा दावा मीडिया रिपोर्ट्समध्ये करण्यात आला होता. मात्र, ही बातमी समोर आल्यानंतर साक्षीने लगेचच ट्विट करून या वृत्तांचे खंडन केले. तिने लिहिले – ही बातमी पूर्णपणे चुकीची आहे. न्यायाच्या लढाईत आम्ही कोणीही मागे हटलो नाही आणि हटणारही नाही. आंदोलनासोबतच मी रेल्वेतील जबाबदारी पार पाडत आहे. न्याय मिळेपर्यंत आमचा लढा सुरूच राहणार आहे. कृपया कोणतीही चुकीची बातमी पसरवू नका.
साक्षी-बजरंगने प्रसारमाध्यमांच्या बातम्यांचे खंडन केले
खरं तर, 2021 टोकियो ऑलिम्पिक कांस्यपदक विजेता बजरंग पुनिया, साक्षी मलिक आणि विनेश फोगट हे WFI अध्यक्ष ब्रिज भूषण यांच्या विरोधात सुरू असलेल्या आंदोलनाचे प्रमुख चेहरे आहेत. तिघेही रेल्वेत नोकरीवर परतले आहेत. यानंतर तिघांनीही आंदोलनातून माघार घेतल्याचा दावा मीडिया रिपोर्ट्समध्ये करण्यात आला आहे. मीडिया रिपोर्ट्समध्ये साक्षीचे नाव सर्वात आधी आले होते. यानंतर साक्षीने ट्विट करून या वृत्ताचे खंडन केले. न्यायासाठी लढा सुरूच राहणार असल्याचे साक्षीने सांगितले, ती नुकतीच तिच्या जबाबदारीकडे म्हणजेच कामाकडे परतली आहे.
ये खबर बिलकुल ग़लत है। इंसाफ़ की लड़ाई में ना हम में से कोई पीछे हटा है, ना हटेगा। सत्याग्रह के साथ साथ रेलवे में अपनी ज़िम्मेदारी को साथ निभा रही हूँ। इंसाफ़ मिलने तक हमारी लड़ाई जारी है। कृपया कोई ग़लत खबर ना चलाई जाए। pic.twitter.com/FWYhnqlinC
— Sakshee Malikkh (@SakshiMalik) June 5, 2023
साक्षीनंतर बजरंगनेही ट्विट करून ही बातमी चुकीची असल्याचे म्हटले आहे. त्यांनी लिहिले – आंदोलन मागे घेतल्याच्या बातम्या निव्वळ अफवा आहेत. आमचे नुकसान करण्यासाठी या बातम्या पसरवल्या जात आहेत. आम्ही मागे हटलो नाही आणि आंदोलन मागे घेतले नाही.
बजरंगने आणखी एक ट्विट केले आहे, ज्यात त्याने लिहिले आहे – जे आमच्या पदकांची किंमत प्रत्येकी 15 15 रुपये असल्याचे सांगतात ते आता आमच्या नोकरीच्या मागे लागले आहेत. आपला जीव धोक्यात आहे, त्यासमोर नोकरी ही फार छोटी गोष्ट आहे. नोकरी न्यायाच्या मार्गात अडथळा ठरत असेल, तर ती सोडायला दहा सेकंदही लागणार नाहीत. नोकरीची भीती दाखवू नका. साक्षी, बजरंग आणि विनेश रेल्वेत नोकरीवर परतले असले तरी न्यायासाठी त्यांचे आंदोलन सुरूच राहणार असल्याचे कुस्तीपटूंच्या ट्विटवरून स्पष्ट झाले आहे.
