News Click : दिल्ली पोलिसांचा विशेष सेल News Click वेबसाइटच्या पत्रकारांच्या घरावर छापे टाकले आहे. विशेष सेलने मंगळवारी पहाटे दिल्ली, नोएडा आणि गाझियाबादमध्ये एकाच वेळी छापे टाकले. यामध्ये ३० हून अधिक ठिकाणी एकाच वेळी छापे टाकले जात आहेत. सेल अधिकार्‍यांनी घटनास्थळावरून लॅपटॉप आणि मोबाईल फोनसारखे अनेक इलेक्ट्रॉनिक पुरावे जप्त केले आहेत. वरिष्ठ पत्रकार अभिसार शर्मा यांनी लिहिले की, दिल्ली पोलिस माझ्या घरी पोहोचले. माझा लॅपटॉप आणि फोन काढून घेतला आहे. याशिवाय हार्ड डिस्कचा डेटाही घेण्यात आला आहे. याप्रकरणी स्पेशल सेलने यूएपीए अंतर्गत गुन्हा दाखल केला आहे. या वेबसाईटमध्ये चिनी कंपन्यांनी पैसे गुंतवल्याचा आरोप आहे.
यापूर्वी दिल्ली पोलिसांच्या आर्थिक गुन्हे शाखेनेही गुन्हा दाखल केला होता. यासोबतच ईडीनेही कारवाई केली. त्यावेळी हायकोर्टाने न्यूजक्लिकच्या प्रवर्तकांना अटकेतून दिलासा दिला होता, मात्र आता या प्रकरणातील अभिसार शर्मासह दोघांना अटक झाली असल्याची प्राथमिक माहिती समोर येत आहे. न्यूजक्लिकचे उर्मिलेश यांचे वकील, गौरव यादव दिल्ली पोलिसांच्या स्पेशल सेलच्या कार्यालयात पोहोचले. त्यांनी सांगितले की,”उर्मलेशच्या पत्नीने मला कळवले की त्यांना दिल्ली पोलिसांनी अटक केली आहे. माझ्याकडे अजून काही तपशील नाहीत.”
मिळालेल्या माहितीनुसार, एनडीटीव्हीचे माजी व्यवस्थापकीय संपादक अनिंद्यो चक्रवर्ती, प्रबीर पुरकायस्थ, उर्मिलेश आणि अभिसार शर्मा यांना दहशतवादी संबंधांच्या आरोपाखाली अटक करण्यात आली आहे. सांस्कृतिक कार्यकर्ता सोहेल हाश्मी यांच्या घरावर पोलिसांनी छापा टाकला. न्यूज क्लिकचे सीईओ प्रबीर पुरकायस्थ यांच्या घरावरही पोलिसांनी छापा टाकला. याशिवाय भाषा सिंग आणि तीस्ता यांच्या घरांवरही छापे टाकण्यात येत आहेत.
याआधी न्यूज क्लिकच्या कार्यालयातील छाप्याबाबत केंद्र सरकारवर चौफेर टीका झाली होती. त्यानंतर एडिटर्स गिल्डनेही चिंता व्यक्त केली होती, असे म्हटले होते की, सरकारी संस्थांकडून स्वतंत्र माध्यमांना त्रास देण्याचा आणि धमकावण्याचा धोकादायक ट्रेंड थांबला पाहिजे कारण ते घटनात्मक लोकशाहीला कमजोर करते. पत्रकार आणि माध्यम संस्थांचे अधिकार कमकुवत होऊ नयेत यासाठी अशा सर्व तपासात अत्यंत काळजी आणि संवेदनशीलता दाखवली जावी, असे गिल्डने म्हटले होते. त्याच वेळी, अशा तपासण्या विहित नियमांतून केल्या जातील आणि स्वतंत्र माध्यमांना धमकावण्याच्या छळाचे साधन बनू नये याची काळजी घेण्याची गरज आहे.
न्यूज क्लिकशी संबंधित प्रकरण काय आहे?
माहितीसाठी, न्यूज क्लिक हे डिजिटल मीडिया प्लॅटफॉर्म आहे. ज्यावर परदेशी निधीचा गुन्हा दाखल करण्यात आला आहे. भारतीय जनता पक्षाने चीनला पाठिंबा देऊन भारतातील वातावरण बिघडवल्याचा आरोप केला होता. स्पेशल सेलच्या आधी ईडीने छापे देखील टाकले होते. न्यूज क्लिकला परदेशातून सुमारे 38 कोटी रुपयांचा निधी मिळाल्याची माहिती ईडीने दिली होती. त्यानंतर भाजपने आरोप केला होता की, 2005 ते 2014 दरम्यान काँग्रेसलाही चीनकडून खूप पैसा मिळाला होता. इतकेच नाही तर न्यू यॉर्क टाईम्सच्या रिपोर्टमध्ये असेही म्हटले आहे की, न्यूज क्लिकला विदेशी निधीतून 38 कोटी रुपये मिळाले होते. हे पैसे काही पत्रकारांमध्ये वाटून घेतले.
#WATCH | Advocate for NewsClick writer Urmilesh, Gaurav Yadav reaches Delhi Police Special Cell office.
— ANI (@ANI) October 3, 2023
He says "Urmilesh's wife informed me that he has been arrested by Delhi Police. I have no other details as of now." pic.twitter.com/go3Kg0UblP
