Jehad Mheisen : पॅलेस्टिनी दहशतवादी संघटना हमासविरुद्धच्या युद्धात इस्रायलला मोठे यश मिळाले आहे. मीडिया रिपोर्ट्सनुसार, हमास राष्ट्रीय सुरक्षा दलाचे प्रमुख जेहाद म्हैसेन आणि त्यांचे संपूर्ण कुटुंब इस्रायली लष्कराच्या हवाई हल्ल्यात मारले गेले आहे. इस्रायलच्या संरक्षण दलांनी गाझा पट्टीतील हमासचे प्रमुख नेते जेहाद म्हैसेन यांच्या घरावर बॉम्बफेक करून ते उद्ध्वस्त केले आणि त्यांचे संपूर्ण कुटुंब ठार केले.
रिपोर्टनुसार, हा हल्ला गाझा येथील शेख रजवानमध्ये करण्यात आला. गाझा पट्टीतील पॅलेस्टिनी राष्ट्रीय सुरक्षा दलाचे कमांडर मेजर जनरल जेहाद म्हैसेन आणि त्यांच्या कुटुंबातील सदस्य शेख रझवान भागात त्यांच्या घरावर झालेल्या बॉम्बस्फोटात ठार झाले, असे हमास समर्थक वृत्तसंस्थेने X वर एका पोस्टमध्ये म्हटले आहे.
निर्वासित छावणीवर झालेल्या हवाई हल्ल्यात 18 पॅलेस्टिनी ठार
गाझा पट्टीवर इस्रायली लष्कराचा भडिमार सुरूच आहे. मीडिया रिपोर्ट्सनुसार, गुरुवारी जबलिया येथील निर्वासित छावणीवर इस्रायलने केलेल्या हवाई हल्ल्यात 18 पॅलेस्टिनी नागरिकांचा मृत्यू झाला. गाझामधील हमास संचालित अंतर्गत मंत्रालयाने सांगितले की इस्रायली सैन्याने उत्तर गाझा पट्टीतील जबलिया शरणार्थी शिबिरावर बॉम्बफेक केली. ज्यामध्ये 18 पॅलेस्टिनींचा मृत्यू झाला आहे.
इस्रायलच्या संरक्षणमंत्र्यांनी गाझावर जमिनीवर हल्ला करण्याचे आवाहन केले
दरम्यान, इस्रायलच्या संरक्षणमंत्र्यांनी गाझावर जमिनीवर हल्ला करण्याचे आवाहन केले आहे. सैनिकांना ‘आतून’ परिसर पाहण्यासाठी तयार राहण्यास सांगण्यात आले.
इस्रायल आणि हमास यांच्यात गेल्या 13 दिवसांपासून युद्ध सुरू आहे. या युद्धात दोन्ही बाजूंनी 5,000 हून अधिक लोक मरण पावले आहेत, तर लाखो पॅलेस्टिनींना विस्थापनाचा फटका बसला आहे. पॅलेस्टिनी पत्रकार संघटनेने सांगितले की, 7 ऑक्टोबर रोजी इस्रायलवर हमासच्या हल्ल्यानंतर सुरू झालेल्या युद्धात गाझामध्ये आतापर्यंत 16 पॅलेस्टिनी पत्रकारांचा मृत्यू झाला आहे, तर डझनभर पत्रकार जखमी झाले आहेत.
The Commander of the Hamas-led National Security Forces in Gaza Jehad Mheisen was killed by an Israeli airstrike, according to Palestinian reports on Thursday.
— The Jerusalem Post (@Jerusalem_Post) October 19, 2023
More details: https://t.co/5FMJz6eT7Q
📷: Courtesy pic.twitter.com/pvKKZIwc4G
