Monsoon Update : प्रत्येक क्षणाला हवामान बदलत आहे. काही ठिकाणी पाऊस तर काही ठिकाणी उकाड्याने नागरिकांना हैराण केले आहे. लोक मान्सूनची आतुरतेने वाट पाहत आहेत. दरम्यान, भारतीय हवामान खात्याने (IMD) गुरुवारी लोकांना आनंदाची बातमी दिली आहे. वास्तविक, आठ दिवसांच्या विलंबानंतर मान्सून केरळमध्ये दाखल झाला आहे. यामुळे नागरिकांना उन्हापासून दिलासा मिळण्याची अपेक्षा आहे.
विशेष म्हणजे, केरळमध्ये मान्सूनच्या आगमनाच्या तारखेपासून तीन ते चार दिवसांचा विलंब होऊ शकतो, असे IMD ने रविवारी सांगितले होते. साधारणपणे, नैऋत्य मान्सून 1 जून रोजी सुमारे सात दिवसांच्या प्रमाणित विचलनासह राज्यात दाखल होतो. 4 जूनपर्यंत केरळमध्ये पोहोचू शकेल, असे विभागाने मेच्या मध्यात सांगितले होते. मान्सूनबाबत आयएमडीने काय माहिती दिली. जाणून घेऊया…
भारतीय हवामान विभागाने रविवारी एका निवेदनात म्हटले आहे की, दक्षिण अरबी समुद्रावर पश्चिमेकडील वाऱ्यांचा वेग वाढल्याने परिस्थिती अनुकूल होत आहे. तसेच, पश्चिमेकडील वाऱ्यांची खोली हळूहळू वाढत असून या वाऱ्यांची खोली सरासरी समुद्रसपाटीपासून २.१ किमीपर्यंत पोहोचली आहे. केरळच्या किनारपट्टीवर मान्सून दाखल होण्यास आणखी तीन ते चार दिवस लागू शकतात.
आग्नेय अरबी समुद्रातही ढगांचे प्रमाण वाढत असल्याचे विभागाने म्हटले आहे. केरळमध्ये मान्सून सुरू होण्यासाठी ही अनुकूल परिस्थिती पुढील ३-४ दिवसांत आणखी सुधारेल अशी आम्हाला अपेक्षा आहे. त्यावर सातत्याने लक्ष ठेवले जात होते. मात्र, सुमारे आठ दिवसांच्या विलंबानंतर मान्सून आता केरळमध्ये दाखल झाला आहे.
8 Jun: Rainfall in past 24 hrs over Kerala.
— K S Hosalikar (@Hosalikar_KS) June 8, 2023
wide spread, moderate to heavy …
Monsoon arrived in Kerala today on 8th Jun
IMD pic.twitter.com/qOiD0w6Sbx
