MI vs LSG : IPL 2024 च्या 67 व्या सामन्यात लखनौ सुपर जायंट्सने शुक्रवारी मुंबई इंडियन्सचा 18 धावांनी पराभव केला. प्रथम फलंदाजी करताना एलएसजीने 20 षटकांत 6 गडी गमावून 214 धावा केल्या. प्रत्युत्तरात एमआयला 6 गडी गमावून 196 धावाच करता आल्या. संपूर्ण मोसमात खराब कामगिरी करणाऱ्या मुंबई इंडियन्सला अखेरच्या सामन्यात पराभवाला सामोरे जावे लागले. पराभवानंतर मुंबई इंडियन्सचा कर्णधार हार्दिक पांड्या आणि संपूर्ण संघाला कठोर शिक्षा सुनावण्यात आली.
MI कर्णधार हार्दिक पंड्या त्याच्या IPL 2024 च्या शेवटच्या सामन्यात स्लो ओव्हर रेटसाठी दोषी आढळला. अशा परिस्थितीत हार्दिक पांड्यावर एका सामन्याची बंदी घालण्यात आली आहे. याशिवाय 30 लाखांचा दंडही ठोठावण्यात आला आहे. आयपीएलच्या आचारसंहितेअंतर्गत हा मुंबईचा तिसरा गुन्हा होता, त्यामुळे पांड्याला ३० लाखांचा दंड ठोठावण्यात आला होता आणि संघाच्या पुढील सामन्यात खेळण्यास बंदी घालण्यात आली होती, असे आयपीएलने एका निवेदनात म्हटले आहे. इतकेच नाही तर, प्रभावशाली खेळाडूसह एमआय प्लेइंग इलेव्हनच्या उर्वरित खेळाडूंना वैयक्तिकरित्या 12 लाख रुपये किंवा त्यांच्या संबंधित मॅच फीच्या 50 टक्के (जे कमी असेल) दंड ठोठावण्यात आला आहे.
ऋषभ पंतनंतर हार्दिक पंड्या हा या मोसमात एका सामन्याची बंदी घालणारा दुसरा कर्णधार आहे. यापूर्वी दिल्ली कॅपिटल्सचा कर्णधार ऋषभ पंतला बंदीमुळे रॉयल चॅलेंजर्स बंगळुरूविरुद्धच्या सामन्यातून बाहेर बसावे लागले होते. विलंबामागील विविध कारणे सांगून डीसी यांनी निर्णयाविरुद्ध अपील दाखल केले होते, परंतु तरीही बंदी कायम ठेवण्यात आली होती.
