रामटेक – राजु कापसे
फुलं विसर्जनासाठी येथील अंबाळा तिर्थक्षेत्र येथे आलेल्या ४८ वर्षीय इसमाचा अंबाळा तलावात बुडुन करून अंत झाल्याची घटना आज दि. २ एप्रील ला दुपारी १.४५ वाजता दरम्यान घडली.
विजय धामाजी बिनेकर वय 48 वर्ष रा. कांजी हाऊस चौक नागपुर असे मृतकाचे नाव आहे. तो त्याच्या चुलत भावाच्या पत्नीचे फुल विर्सजनाच्या कार्यक्रमाकरीता अंबाळा तलाव रामटेक येथे त्याच्या परिवारासह आला होता.
कार्यक्रम झाल्यानंतर सुमारे १.४५ वा दरम्याण तो आंघोळ करण्याकरीता अंबाळा तलावावर गेला असता अंघोळ करतांना मृतकाचा तोल जावुन तो पाण्यात पडुन बुडुन मरण पावला. मृतकाचा मोठा भाऊ नामे संजय धामाजी बिनेकर यांच्या तोंडी रिपोर्ट वरुन पो स्टे रामटेक येथे मर्ग क्र. १४/२०२४ कलम १७४ जा.फौ. अन्वये नोंद करण्यात आलेला आहे.
