LPG Cylinder : गॅस सिलिंडरच्या दरात पुन्हा एकदा कपात करण्यात आली आहे. वृत्तानुसार, 19 किलोच्या व्यावसायिक एलपीजी सिलेंडरच्या किंमतीत 171.50 रुपयांची कपात करण्यात आली आहे. या कपातीनंतर दिल्लीत 19 किलोच्या व्यावसायिक सिलेंडरची किंमत 1856.50 रुपयांवर गेली आहे.
गेल्या काही महिन्यांपासून गॅस सिलिंडरच्या किमतीत मोठ्या प्रमाणात चढ-उतार होत होते. यामध्ये सर्वाधिक परिणाम व्यावसायिक गॅस सिलिंडरवर दिसून आला. अलीकडेच, दिल्लीत 19 किलोच्या व्यावसायिक एलपीजी सिलिंडरची किंमत 91.50 रुपयांनी कमी झाली आहे. हे सिलिंडर 2,028 रुपयांना मिळत होते. मात्र, त्यानंतरही घरगुती सिलिंडरच्या दरात कोणताही बदल झालेला नाही.
देशातील गॅस कंपन्या दर महिन्याच्या पहिल्या तारखेला गॅस सिलिंडरचे दर ठरवतात. पेट्रोलियम आणि तेल कंपन्यांनी या वर्षी मार्चमध्ये व्यावसायिक सिलिंडरच्या दरात 350.50 रुपये प्रति युनिट आणि घरगुती सिलिंडरच्या दरात 50 रुपयांनी वाढ केली होती.
या वर्षी 1 जानेवारीलाही व्यावसायिक सिलिंडरच्या दरात 25 रुपयांनी वाढ झाली आहे. गेल्या वर्षी सप्टेंबर महिन्यात व्यावसायिक सिलिंडरच्या किमती 91.50 रुपयांनी कमी झाल्या होत्या.
1 ऑगस्ट 2022 रोजीही सिलिंडरची किंमत प्रति युनिट 36 रुपयांनी कमी झाली होती. दुसरीकडे, 6 जुलै रोजी व्यावसायिक सिलिंडरच्या दरात प्रति युनिट 8.5 ने कपात करण्यात आली.
