नवाजुद्दीन सिद्दीकी आजकाल घरगुती भांडणावरून पुन्हा चर्चेत आलाय, नवाजुद्दीनची आई आणि त्याची पत्नी आलिया यांच्यात सुरू असलेल्या वादामुळे नवाजुद्दीन घरापासून बाहेर ठिकाणी राहतो. वाद संपेपर्यंत त्यांनी घरापासून दूर राहण्याचा निर्णय घेतला आहे. दरम्यान, नवाजुद्दीन सिद्दीकीच्या वकिलाने पत्रकार परिषदेत आलियाबाबत अनेक खळबळजनक खुलासे केले आहेत.
नवाजुद्दीनच्या वकिलाने पत्रकार परिषदेत सांगितले की, 2011 मध्ये आलिया उर्फ अंजली कुमारीने विनय भार्गवशी लग्न केले. यानंतर ती मुंबईत आली आणि तिचे नाव बदलून अंजना पांडे ठेवले. नंतर तिने आपले नाव बदलून अंजना आनंद ठेवले. वकिलाने सांगितले की, त्यानंतर तिने धर्म स्वीकारला आणि स्वतःचे नाव झैनब ठेवले. त्यानंतर तिने नवाजुद्दीनशी लग्न केले आणि 2011 मध्ये दोघेही परस्पर संमतीने वेगळे झाले. वकिलाने दावा केला की, आलियाने नवाजुद्दीनच्या जीवनात पुन्हा प्रवेश केल्याने तिची कारकीर्द पुन्हा रुळावर आली.
वकिलाने सांगितले की, यानंतर आलियाने २०२० मध्ये नवाजुद्दीनला पुन्हा घटस्फोटाची नोटीस पाठवली, पण त्याचा काही अर्थ नाही कारण दोघेही खूप पूर्वीपासून वेगळे झाले आहेत. यादरम्यान तिने असा दावाही केला आहे की, आलियाने अद्याप विनयला घटस्फोट दिलेला नाही. नवाजच्या वकिलाच्या दाव्यानुसार, आलियाने तिची जन्मतारीख 8वीच्या मार्कशीटमध्ये खोट्या पद्धतीने बदलली आहे. मार्कशीटमध्ये जन्मतारीख १९७९ तर पासपोर्टवर १९८२ लिहिल्याचा त्यांचा दावा आहे.
