पातूर – निशांत गवई
पातूर येथील किड्स पॅराडाईज पब्लिक स्कूलच्या पुर्व प्राथमिकच्या चिमुकल्या विद्यार्थ्यांनी खराखुरा दीक्षांत समारंभ अनुभवला. किड्स पॅराडाईज पब्लिक स्कूलच्या पुर्व प्राथमिक शिक्षण पूर्ण केलेल्या विद्यार्थ्यांचा दीक्षांत समारंभ नुकताच थाटात पार पडला. यावेळी या सोहळ्याचे अध्यक्ष म्हणून शाळेचे संस्थापक अध्यक्ष गोपाल गाडगे हे होते. तर प्रमुख अतिथी म्हणून कार्यकारी संचालिका सौ. ज्योत्स्ना गाडगे या उपस्थित होत्या.
सर्वप्रथम पुर्व प्राथमिक शिक्षण पूर्ण केलेल्या विद्यार्थ्यांचे स्वागत करण्यात आले. त्यांनतर मान्यवरांचे हस्ते या विद्यार्थ्यांना पुर्व प्राथमिक शिक्षण पूर्ण केल्याची पदवीका बहाल करण्यात आली. यांनतर पुर्व प्राथमिक शिक्षण पूर्ण केलेल्या विद्यार्थ्यांना प्राथमिक शाळेच्या शिक्षकांकडे सोपविण्यात आले. दीक्षांत समारंभाच्या वेळी चिमुकल्या विद्यार्थ्यांनी केलेली वेशभूषा या सोहळ्याचे आकर्षण ठरली होती.
या सोहळ्याचे संचालन अश्विनी अंभोरे यांनी केले. याप्रसंगी शाळेचे मुख्याध्यापक चंद्रमणी धाडसे, अविनाश पाटील,नरेंद्र बोरकर, भारती निमकाळे, योगिता देवकर, नितु ढोणे, शितल कवडकार, लक्ष्मी निमकाळे, नयना हाडके, प्रियंका चव्हाण, पल्लवी पाठक, वंदना पोहरे, पल्लवी खंडारे, हरिष सौंदळे,बजरंग भुजबटराव, कल्पना इंगळे, रुपाली पोहरे आदींनी परिश्रम घेतले.
