IPL 2024 : यंदाच्या आयपीएल 2024 साठी सर्व संघांनी आपापल्या शिबिरांची तयारी केली आहे. गेल्या महिन्यात आयपीएलच्या मिनी लिलावात फ्रँचायझींचे अनेक मोठे निर्णय पाहायला मिळाले. मात्र लिलावापूर्वी दोन्ही फ्रँचायझींमधील खेळाडूंच्या फेरबदलाने सर्व चाहत्यांना हादरवून सोडले होते. तर मुंबई इंडियन्स आणि गुजरात टायटन्सच्या टीम मधील बदल अनेक चाहत्यांना धक्का देवून गेले, गुजरातला दोनदा आयपीएल फायनलमध्ये पोहोचवणाऱ्या हार्दिक पांड्याला मुंबईने कर्णधार म्हणून नियुक्त केले. मात्र आता मोहम्मद शमीच्या वक्तव्यामुळे पुन्हा एकदा या प्रकरणाला तोंड फुटले आहे.
आयपीएल लिलावापूर्वी हार्दिक पांड्या त्याच्या जुन्या फ्रेंचायझी मुंबई इंडियन्समध्ये सामील झाला होता. यानंतर मुंबईनेही त्याला आपला नवा कर्णधार म्हणून निवडले. दुसरीकडे, गुजरात टायटन्सने संघाची कमान युवा शुभमन गिलकडे सोपवली. याबाबत गुजरातचा स्टार गोलंदाज मोहम्मद शमीशी चर्चा केली असता, त्याने या विषयावर आपले मत मांडले. शमी मीडियाशी बोलताना म्हणाला, ‘कोणी सोडले तरी काही फरक पडत नाही. हार्दिकला जायचे होते आणि तो गेला. कर्णधार म्हणून त्याने चमकदार कामगिरी केली आणि एकदाच आयपीएल ट्रॉफीही जिंकली. ते आयुष्यभर गुजरातशी बांधले गेले नाहीत.
शुभमन गिल हा नवा कर्णधार असेल
टीम इंडियाचा युवा फलंदाज शुभमन गिलला गुजरातचा नवा कर्णधार बनवण्यात आले आहे. मात्र, गिलला संघातील वरिष्ठ खेळाडूंची मदत मिळू शकते. गिलने यापूर्वी एवढ्या मोठ्या मंचावर कर्णधारपद पाहिले नव्हते. आता युवा खेळाडूच्या नेतृत्वाखाली दोनवेळा फायनलमध्ये आलेला संघ यावेळी विजय मिळवण्यात यशस्वी होतो की नाही हे पाहणे उत्सुकतेचे ठरणार आहे.
IPL 2022 मध्ये हार्दिक पांड्याने गुजरात टायटन्सचे नेतृत्व केले होते. यानंतर 2023 मध्येही त्याने संघाला शानदारपणे हाताळले. पण अंतिम सामन्यात त्यांना एमएस धोनीच्या संघाकडून पराभव पत्करावा लागला आणि दुर्दैवाने ट्रॉफी गमवावी लागली.
