IPL 2023 : कालच IPL भव्य उद्घाटन सोहळा पार पडला. ज्यामध्ये बॉलीवूड अभिनेत्री रश्मिका मंदान्ना, तमन्ना भाटिया आणि गायक अरिजित सिंग यांनी धमाकेदार परफॉर्म केले. भव्य उद्घाटन सोहळा संपत असताना स्टेडियममधून भारतीय संस्कृती जपणारे दृश्य पाहायला मिळाले. कारण स्टेजवरच अरिजित सिंगने कॅप्टन कूल एमएस धोनीच्या पायाला स्पर्श केला.
अरिजित सिंगनंतर जेव्हा अभिनेत्री रश्मिका मंदाना, तमन्ना भाटियाचा परफॉर्मन्स पूर्ण झाला तेव्हा एमएस धोनी स्टेजवर पोहोचला होता, माही स्टेजवर येताच प्रसिद्ध गायक अरिजित सिंगने माहीच्या पायाला स्पर्श केला. या क्षणाचे व्हिडिओ आणि फोटो सोशल मीडियावर मोठ्या प्रमाणात व्हायरल होत आहेत.
अरिजित सिंगचा सोशल मीडियावर दबदबा आहे
सोशल मीडियावर अरिजित सिंगच्या पायाला स्पर्श करतानाचा व्हिडिओ यूजर्सला खूप आवडला. अनेक लोक याला भारतीय संस्कृतीशी जोडलेले पाहत आहेत. या घटनेनंतर सोशल मीडियावर गायक अरिजित सिंगचे खूप कौतुक केले जात आहे, तर धोनीने स्वतः अरिजित सिंगला मिठी मारली.
ग्रॅण्ड ओपनिंग सेरेमनीनंतर या मोसमातील पहिला सामना गुजरात टाइम्स आणि चेन्नई सुपर किंग्ज यांच्यात खेळला गेला. ज्यामध्ये गतविजेत्या गुजरातने सीएसकेचा 5 विकेट्सने पराभव करत विजयाने आपल्या मोहिमेची सुरुवात केली. तत्पूर्वी, CSK ने 20 षटकांत 179 धावा केल्या होत्या, प्रत्युत्तरात हार्दिक पांड्याच्या नेतृत्वाखाली गुजरातने 19.2 षटकांत 182 धावा केल्या.
