IND Vs SA : उद्या भारत विरुद्ध दक्षिण आफ्रिका यांच्यातील T20 मालिका सुरू होणार आहे. उभय संघांमधला पहिला T20 सामना दक्षिण आफ्रिकेतील डर्बन येथे खेळवला जाणार आहे. भारतीय संघानेही दक्षिण आफ्रिकेत पोहोचून जोरदार तयारी सुरू केली आहे. तुम्हीही या मालिकेचा आनंद घेण्यासाठी सज्ज व्हा. पुढील वर्षी होणाऱ्या टी-२० विश्वचषकापूर्वी ही मालिका खूप महत्त्वाची आहे. या सामन्याचा तुम्ही घरी बसून आनंद कसा लुटू शकता ते पाहूया.
हा सामना जिओ सिनेमावर प्रसारित होणार नाही
भारत आणि दक्षिण आफ्रिका यांच्यात 3 टी-20 सामन्यांची मालिका, 3 एकदिवसीय सामन्यांची मालिका आणि 1 कसोटी सामना खेळवला जाईल. सुरुवातीला सामना रात्री 9.30 वाजता सुरू होणार असल्याचे सांगण्यात येत होते, मात्र नंतर वेळ बदलण्यात आली. आता भारत विरुद्ध दक्षिण आफ्रिका यांच्यातील टी-20 सामना संध्याकाळी 7.30 वाजता सुरू होईल. अशा परिस्थितीत तुम्हीही तुमची सर्व कामे उरकून सामन्याचा आनंद घेऊ शकता. ऑस्ट्रेलिया विरुद्ध 5 टी-20 सामन्यांची मालिका जिओ सिनेमावर दाखवण्यात आली होती, मात्र भारत विरुद्ध दक्षिण आफ्रिका यांच्यातील मालिका जिओ सिनेमावर दाखवली जाणार नाही.
तुम्ही येथे सामना पाहू शकता
भारत विरुद्ध दक्षिण आफ्रिका यांच्यातील सामना Disney+Hotstar वर होणार आहे. याशिवाय जर तुम्हाला टीव्हीवर सामना पाहायचा असेल तर तुम्ही तो स्टार स्पोर्ट्सवर पाहू शकता. अशा परिस्थितीत सामना पाहण्यासाठी तुम्हाला तुमचे पैसे खर्च करावे लागतील. तुम्हाला Disney + Hotstar चे सदस्यत्व घ्यावे लागेल. भारत विरुद्ध दक्षिण आफ्रिका यांच्यातील पहिला T20 सामना 10 डिसेंबरला खेळवला जाईल, दुसरा सामना 12 डिसेंबरला आणि त्यानंतर तिसरा सामना 14 डिसेंबरला खेळवला जाईल.
Hello 👋 from Durban. Our venue for the 1st T20I against South Africa.#SAvIND pic.twitter.com/9AfZPCChkB
— BCCI (@BCCI) December 8, 2023
