IND vs PAK T20 WC : T20 विश्वचषक 2024 मध्ये आज रविवारी भारत आणि पाकिस्तान यांच्यात हाय व्होल्टेज सामना होणार आहे. चाहते या सामन्याची आतुरतेने वाट पाहत होते आणि तो दिवस आला आहे. अ गटातील या सामन्यातील विजेत्या संघाचे स्थान भक्कम होईल. भारताने 5 जून रोजी त्याच ठिकाणी स्पर्धेतील पहिल्या सामन्यात आयर्लंडचा पराभव केला होता, तर डॅलसमधील ग्रँड प्रेरी स्टेडियमवर टी-20 विश्वचषकाच्या सर्वात मोठ्या अपसेटमध्ये पाकिस्तानने सुपर ओव्हरमध्ये सह-यजमान यूएसए ने सामना जिंकून सर्वांना आश्चर्याचा धक्काच दिला. आतापर्यंत या स्पर्धेतील प्रत्येक सामन्यावर पावसाचा धोका निर्माण झाला होता, मात्र रविवारी होणाऱ्या भारत आणि पाकिस्तान यांच्यातील मोठ्या सामन्यात पावसाची शक्यता कमी आहे.
सर्वात मोठ्या सामन्यासाठी न्यूयॉर्कचे मैदान सज्ज
न्यूयॉर्क क्रिकेट जगतातील सर्वात मोठ्या प्रतिस्पर्ध्यांपैकी एकाचे साक्षीदार होणार आहे. भारत आणि पाकिस्तान या दोन्ही संघांनी विजय मिळवून टी-20 विश्वचषक मोहीम जोरदारपणे पुढे नेण्यावर भर दिला आहे. अमेरिकेविरुद्धच्या सामन्यात पाकिस्तान संघ फलंदाजी, गोलंदाजी आणि क्षेत्ररक्षण या तिन्ही क्षेत्रात सपशेल अपयशी ठरला होता. इतकंच नाही तर कर्णधार बाबर आझमही आपल्या रणनीतीच्या कचाट्यात आला. त्यांचे अनेक निर्णय समजण्यापलीकडचे होते. मात्र, भारतीय संघाला पाकिस्तानला हलक्यात घ्यायला आवडणार नाही. Accuweather च्या अहवालानुसार, न्यूयॉर्कमध्ये सकाळी 10:30 पासून (न्यूयॉर्क वेळ/भारतीय वेळेनुसार रात्री 8 वाजता) खेळल्या जाणाऱ्या या सामन्यात हवामान स्वच्छ असण्याची शक्यता आहे आणि पावसाची शक्यता फारच कमी आहे.
Accuweather च्या अहवालानुसार, न्यूयॉर्कमध्ये स्थानिक वेळेनुसार सकाळी 6 ते दुपारी 2 दरम्यान हवामान चांगले राहील. कधी ऊन तर कधी ढगाळ वातावरण राहण्याची शक्यता आहे. यावेळी तापमान 17-25 अंश सेल्सिअस दरम्यान राहण्याची शक्यता आहे. पावसाची केवळ पाच टक्के शक्यता आहे. या विश्वचषकात आतापर्यंत पावसामुळे काही सामन्यांवर परिणाम झाला आहे. काही सामने उशिरा सुरू झाले. यासोबतच 5 जून रोजी बार्बाडोस येथे इंग्लंड आणि स्कॉटलंड यांच्यातील सामना पावसामुळे रद्द झाला होता.
भारताविरुद्धचा पराभव पाकिस्तानच्या अडचणी वाढवेल
पाकिस्तानविरुद्धच्या सामन्यात प्रत्येक खेळाडूला योगदान द्यावे लागेल, असे रोहितने म्हटले आहे. भारताच्या सामन्याच्या एका दिवसानंतर, खेळपट्टीबद्दलच्या सर्व शंका दूर करण्यासाठी आयसीसीला एक निवेदन जारी करावे लागले. पाकिस्तानी संघ अद्याप नासाऊ स्टेडियममध्ये खेळलेला नाही. पहिल्या सामन्यात अमेरिकेकडून पराभूत झालेला पाकिस्तानी संघ गुरुवारी रात्रीच येथे पोहोचला. त्यांना परिस्थितीशी जुळवून घेण्याची संधी मिळाली नाही, ज्यामुळे त्यांचे नुकसान होऊ शकते. भारताकडून हरल्यास त्यांचा सुपर एटमध्ये प्रवेश जवळपास अशक्य होईल.
