भारत आणि बांगलादेश यांच्यातील तीन सामन्यांच्या वनडे मालिकेला ४ डिसेंबरपासून सुरुवात होत आहे. या मालिकेपूर्वी बांगलादेशला दोन मोठे धक्के बसले आहेत. कर्णधार तमीम इक्बाल मालिकेतून बाहेर आहे. तसेच, 14 डिसेंबरपासून सुरू होणार्‍या पहिल्या कसोटीतही तो खेळणे साशंक आहे. बांगलादेशी संघाला गोलंदाजीत झटका बसला. स्विंगमध्ये तज्ञ असलेल्या तस्किन अहमदला पहिल्या वनडेत खेळणे कठीण आहे.
30 नोव्हेंबर रोजी शेर-ए-बांगला नॅशनल स्टेडियमवर झालेल्या सराव सामन्या दरम्यान तमिमला दुखापत झाली होती. कंबरेच्या दुखापतीमुळे तमिमला दोन आठवडे विश्रांतीचा सल्ला देण्यात आला आहे. वनडे मालिकेतील शेवटचा सामना 10 डिसेंबर रोजी होणार आहे. त्यानंतर चार दिवसांनी पहिली कसोटी होणार आहे. अशा स्थितीत तमिम केवळ एकदिवसीय सामन्यांमध्येच खेळणार नाही, तर तो तंदुरुस्त नसल्यास पहिल्या कसोटीतूनही बाहेर पडू शकतो. तमिमच्या जागी वनडे मालिकेसाठी कर्णधाराची घोषणा अद्याप झालेली नाही.
शरीफुल इस्लाम बॅकअप खेळाडू
दुसरीकडे, तस्किन अहमद मालिकेतील पहिल्या सामन्यातून बाहेर पडल्याने बांगलादेशलाही वेगवान गोलंदाजीचा धक्का बसला आहे. तस्किन अलीकडच्या काळात धमाकेदार फॉर्ममध्ये आहे. तो वेगवान गोलंदाजीचे नेतृत्व करेल, अशी अपेक्षा होती. आता दुखापतीनंतर शरीफुल इस्लामला एकदिवसीय संघात बॅकअप म्हणून बोलावण्यात आले आहे.
एकदिवसीय मालिकेसाठी भारतीय संघ:
रोहित शर्मा (कर्णधार), केएल राहुल (उपकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत (विकेटकीपर), इशान किशन (विकेटकीपर), शाहबाज अहमद, अक्षर पटेल, वॉशिंग्टन सुंदर, शार्दुल ठाकूर, मोहम्मद शमी, मोहम्मद सिराज, दीपक चहर आणि कुलदीप सेन.
एकदिवसीय मालिकेसाठी बांगलादेश संघ:
नजमुल हुसेन शांतो, यासिर अली, आसिफ हुसेन, महमुदुल्लाह, मेहदी हसन, शकीब अल हसन, अनामूल हक (विकेटकीपर), लिटन दास (विकेटकीपर), मुशफिकुर रहीम (विकेटकीपर), नुरुल हसन (विकेटकीपर), इबादत हुसेन, हसन महमूद, मुस्तफिजूर रहमान, नसीम अहमद, तस्किन अहमद.
भारत-बांगलादेश वनडे मालिकेचे वेळापत्रक
पहिली वनडे: ४ डिसेंबर, ढाका
दुसरी वनडे : ७ डिसेंबर, ढाका
तिसरी वनडे: १० डिसेंबर, ढाका
