न्यूज डेस्क : मध्य प्रदेशातील छतरपूरमध्ये दलित वराने घोडीवरून मिरवणुक काढल्याच्या रागातून वरातीवर दगडफेक झाल्याची घटना समोर आली आहे. घटनेचा Video सोशल मिडीयावर मोठ्या प्रमाणात व्हायरल होतोय.
माहितीनुसार, दलित वराला घोडीवर पाहून गावकरी संतापले. त्यांनी वराच्या लग्नाच्या मिरवणुकीवर दगडफेक केली. मिरवणुकीत सुमारे 40-50 वराती सहभागी झाले होते. दगडफेकीत 3 पोलीस जखमी झाले आहेत. पोलिसांनी 50 जणांविरुद्ध गुन्हा दाखल केला असून, त्यात 20 आरोपींची ओळख पटली आहे.
छतरपूरच्या बक्सवाहा पोलीस स्टेशन हद्दीतील चौराई गावातील सोमवारी संध्याकाळची ही घटना आहे. चौराई गावातील रितेश अहिरवार यांची मिरवणूक सागर जिल्ह्यातील शहागडकडे निघाली होती. अगोदर घोडीवर बसून वराची मिरवणूक गावात फिरायची अस ठरलं. गावातील प्रभावशाली लोकांनी त्यास विरोध केला. या वादाचे मोठ्या भांडणात रूपांतर झाले. गावातील गुंडांनी आधी उद्धटपणा दाखवला आणि नंतर मिरवणुकीवर दगडफेक सुरू केली.
घटनेची माहिती मिळताच एसपी अमित सांघी आणि एएसपी यांच्यासह दोन पोलिस ठाण्यांचा ताफा घटनास्थळी पोहोचला. त्यानंतरही दगडफेक थांबली नाही. मंगळवारी पहाटे चार वाजेपर्यंत पोलिसांची कारवाई सुरू होती.
त्यानंतर पोलिसांच्या देखरेखीखाली सायंकाळी उशिरा ही मिरवणूक शहागडकडे रवाना झाली. मिरवणुकीला पोलिस बंदोबस्त देण्यात आला होता. आरोपींविरुद्ध एससी-एसटी कायद्यासह आयपीसी कलम 147, 148, 353, 149,332 294 मध्ये गुन्हा दाखल करण्यात आला आहे. आरोपींचा शोध सुरू आहे.
छतरपुर जिले के बक्सवाहा थाना क्षेत्र के दबंग किस्म के दूसरी जाति के लोगों ने दलित दूल्हे के घोड़ी चढ़ने पर विवाद करते हुए पथराव कर दिया।
— Lallanpost (@Lallanpost) June 6, 2023
मामला बढ़ता देख पुलिस भी मौके पहुंची तो दबंगों ने पुलिस के सामने ही फिर पथराव करते हुए हमला कर दिया, जिसमें 3 पुलिसकर्मी भी घायल हो गए। pic.twitter.com/jCpel6DHuD
