Viral Video -सध्या सोशल मीडियावर घोड्याचा एक व्हिडिओ व्हायरल होत आहे, ज्यामध्ये प्राण्यांचे हृदय किती मोठे असते हे दिसतेय, या घोड्याच्या दयाळूपणाने इंटरनेट लोकांची मने जिंकली आहेत आणि त्याचा व्हिडिओ इंटरनेटवर व्हायरल झाला आहे. क्लिप 25 सेकंदांची आहे ज्यामध्ये आपण घोडा ‘बादली’मधून चारा खाताना पाहू शकतो. यादरम्यान कबुतरांचा कळप त्याच्या जवळ येतो.
घोडा कबुतरांना जमिनीवर पडलेला चारा खाताना पाहताच, तो स्वत: बादलीतून अन्न काढून जमिनीवर टाकू लागतो, जेणेकरून कबुतरेही व्यवस्थित खातात. हे विलक्षण दृष्य पाहून घोडा कबुतरांसोबत वाटून आपले अन्न खात असल्याचे दिसते. कबूतरही घोड्याला घाबरत नाहीत, पण त्याच्यासोबत जेवायला मजा घेताना दिसतात! काही लोक म्हणाले की, माणसांपेक्षा प्राण्यांमध्ये जास्त माणुसकी असते, तर काहींनी असे लिहिले की, प्राण्यांकडून आपल्याला खूप काही शिकण्याची गरज आहे.
हा सुंदर व्हिडिओ 19 मार्च रोजी ‘TheFigen’ (@TheFigen_) या ट्विटर हँडलने पोस्ट केला होता. त्याच्या कॅप्शनमध्ये त्याने लिहिले- Awwww… मला रडायचे आहे! किती सुंदर क्षण हा व्हिडिओ लिहिपर्यंत या व्हिडिओला 23 लाखांहून अधिक व्ह्यूज आणि 62 हजारांहून अधिक लाईक्स मिळाले आहेत.
यावर शेकडो युजर्सनी प्रतिक्रिया दिल्या आहेत. एका यूजरने लिहिले – मला प्राण्यांची ही उदारता आवडते. तर दुसऱ्याने लिहिले की याला एकत्र खाणे म्हणतात. इतरांनीही यातून मानवाने शिकले पाहिजे असे लिहिले.
