गुजरात विधानसभा निवडणुकीच्या पहिल्या टप्प्यात आज ८९ जागांवर मतदान होत आहे. सकाळी ८ ते सायंकाळी ५ या वेळेत मतदान होणार आहे. राज्यातील १९ जिल्ह्यांतील या जागांसाठी ७८८ उमेदवार रिंगणात आहेत. पहिल्या टप्प्यात २ कोटींहून अधिक मतदार आपल्या मताचा वापर करतील. या निवडणुकीत भाजपसमोर सर्वात मोठे आव्हान आहे ते आम आदमी पार्टी, ज्याने या स्पर्धेत काँग्रेसला मागे ढकलण्यात यश मिळवले आहे.
गुजरातमध्ये या 19 जिल्ह्यांतील 89 जागांवर 2.39 कोटींहून अधिक लोक मतदान करणार आहेत. कच्छ, सुरेंद्रनगर, मोरबी, राजकोट, जामनगर, देवभूमी द्वारका, पोरबंदर, जुनागढ, गीर सोमनाथ, अमरेली, भावनगर, बोताड, नर्मदा, भरूच, सूरत, तापी, डांग्स, नवसारी आणि वलसाड या जिल्ह्यांमध्ये मतदान होणार आहे.
प्रदेशनिहाय पाहिल्यास पहिल्या टप्प्यात सौराष्ट्रातील ४८, कच्छमधील सहा आणि दक्षिण गुजरातमधील ३५ जागांवर मतदान होईल. यासाठी 788 उमेदवार रिंगणात आहेत. राजकीय पक्षांसाठी प्रत्येक जागा महत्त्वाची असेल.
