GST Council Meeting: GST कौन्सिलच्या बैठकीतून एक मोठी बातमी समोर आली आहे. राजस्थानच्या जैसलमेरमध्ये सुरू असलेल्या या बैठकीत काही महत्त्वाच्या मुद्द्यांवर निर्णय झालेला नाही. मंत्र्यांच्या गटाने आरोग्य आणि जीवन विमा प्रीमियमवरील जीएसटी कमी करण्याचा प्रस्ताव ठेवला होता, ज्यावर सध्या कोणताही निर्णय घेण्यात आलेला नाही. जीएसटी कौन्सिलच्या पुढील बैठकीत यावर विचार केला जाईल.
जीएसटी कौन्सिलच्या 55 व्या बैठकीत या महत्त्वाच्या मुद्द्यावर कोणताही निर्णय होऊ शकला नाही, कारण त्यावर आणखी स्पष्टीकरण आवश्यक असल्याचे सांगण्यात येत आहे. परिषदेने मंत्र्यांच्या गटाला (GOM) आपला अहवाल अधिक व्यापक करण्यासाठी अतिरिक्त माहिती समाविष्ट करण्यास सांगितले आहे. आरोग्य आणि जीवन विम्याच्या हप्त्यात कपात होण्याची अपेक्षा करणाऱ्या सर्वसामान्यांसाठी ही बातमी मोठा धक्का आहे. सध्या आरोग्य विमा, टर्म लाइफ इन्शुरन्स आणि युनिट-लिंक्ड विमा योजना 18% GST दराच्या अंतर्गत येतात.
कार विक्रीवर अधिक जीएसटी
त्याचबरोबर या बैठकीत पॉपकॉर्नवरील जीएसटीच्या नवीन दरांवर एकमत झाले आहे. मीठ आणि मसाल्यात मिसळलेल्या पॉपकॉर्नवर (पॅक केलेले नाही) 5% जीएसटी लागू करण्यात आला आहे. तर प्री-पॅकेज केलेले आणि लेबल केलेले पॉपकॉर्नवर 12% GST लागू होईल. त्याचप्रमाणे कारमेल पॉपकॉर्न 18% जीएसटीच्या कक्षेत येईल. त्याचबरोबर जुन्या छोट्या पेट्रोल-इलेक्ट्रिक कारच्या (EV) विक्रीवरील GST 12% वरून 18% करण्याचा निर्णय घेण्यात आला आहे.
Union Minister for Finance and Corporate Affairs Smt. @nsitharaman chairs the 55th meeting of the GST Council, in Jaisalmer, Rajasthan, today.
— Ministry of Finance (@FinMinIndia) December 21, 2024
The participants included Union Minister for State for Finance Shri @mppchaudhary, Chief Ministers of Goa, Haryana, Jammu and Kashmir,… pic.twitter.com/MmuPnigO1g
