महाविकास आघाडीचे महेश गणगणे यांना मतदारांची पसंती…विजयाचा मार्ग सुकर...
अकोट – संजय आठवले
आकोट तेल्हारा विधानसभा मतदारसंघाचे महाविकास आघाडीचे उमेदवार ॲड. महेश गणगणे यांना सर्वत्र चांगला प्रतिसाद लाभत असून भारतीय राष्ट्रीय काँग्रेस, शिवसेना उबाठा राष्ट्रवादी काँग्रेस श.प. आदींचे नेते कार्यकर्ते व पदाधिकारी त्यांच्या विजयासाठी अहोरात्र झटत आहेत.
शिवसेना नेते संजय भाऊ गावंडे हे गावो गावी जाऊन मतदारांशी संवाद साधत आहेत. आणि मतदार संघाच्या विकासासाठी महाविकास आघाडीच्या महेश गणगणे यांनाच निवडून देण्याचे आवाहन करीत आहेत.
महेश गणगणेसह सुरु असलेल्या त्यांच्या प्रचारयात्रेने तेल्हारा, दानापूर, माळेगाव, परिसरात रौंदळा, सांगलवाडी, कोठा, सायखेडा, माळेगाव बाजार, शेरी, बेलखेड, इत्यादी गावांना भेट देत मतदारांशी संवाद साधला. या प्रत्येक ठिकाणी त्यांचे मतदारांकडून स्वागत केले जात गेले.
ह्यावेळी मतदार आपल्या समस्यांचा पाढा महेश गणगणे यांच्यापुढे वाचत होते. शेतरस्ते, पाणी, वाढती बेरोजगारी यावर गेल्या काही वर्षांपासून जैसे थे स्थिती आहे. आता परिवर्तनाची गरज मतदारांना वाटत आहे. यास्थितीत पुढील आशेचा किरण म्हणून महेश गणगणे यांच्याकडे मतदार पाहत असून त्यांच्या विजयाचे चित्र मतदार संघात दिसत आहे.
