Elvish Yadav :’बिग बॉस ओटीटी 2′ विजेता (Big Boss OTT 2 winner) एल्विश यादवने (Elvish yadav) कथितपणे खंडणीचा कॉल (extortion call) आल्यानंतर एफआयआर दाखल केला आहे. 25 ऑक्टोबर रोजी गुरुग्राम पोलिसात गुन्हा दाखल करण्यात आला होता. एल्विशने पोलिसांना सांगितले की, त्याला एका अनोळखी नंबरवरून एक कोटी रुपयांच्या खंडणीची मागणी करणारा फोन आला होता.
मीडिया रिपोर्ट्सनुसार, एल्विशला वजीराबाद गावातून फोन आला होता. खंडणीच्या कॉलनंतर, एल्विशने गुरुग्रामच्या सेक्टर 53 पोलिस ठाण्यात अज्ञात व्यक्तीविरुद्ध गुन्हा दाखल केला. एल्विशने अद्याप या प्रकरणावर आणि कॉलवर भाष्य केलेले नाही.
या केसमध्ये गुजरात पोलिसांकडूनही बरीच मदत मिळाली, असे पोलिसांनी नमूद केले. खबऱ्यांकडून मिळालेल्या माहितीनुसार, खंडणीच्या या कॉलप्रकरणी पोलिसांनी गुजरातच्या वडनगर येथून एक संशयिताला अटक केली. शाकीर मकरानी ( वय २४) हा आरोपी वडनगरचा रहिवासी असून तो आरटीओ एजंट म्हणून काम करतो.
Gurugram Police arrests a man from Gujarat in connection with extortion call to Big Boss OTT 2 winner Elvish Yadav
— ANI (@ANI) October 26, 2023
Varun Dahiya ACP Crime Branch says, "Gurugram Police with cooperation from Gujarat Police has arrested one Shakir Makrani, a resident of Vadnagar. He was… pic.twitter.com/nvEtkjbtRe
एल्विश यादव हा सोशल मीडियाचा प्रभावशाली व्यक्ती आहे, त्याचा जन्म हरियाणातील गुरुग्राम येथे झाला आहे. व्यावसायिकदृष्ट्या, एल्विश यादव एक YouTuber आणि सोशल मीडिया व्यक्तिमत्व आहे. त्याच्या यूट्यूब चॅनेल एल्विश यादवचे सध्या सुमारे 14.5 दशलक्ष सदस्य आहेत.
एल्विश यादव व्लॉग्स नावाचे त्यांचे आणखी एक YouTube चॅनेल आहे, जिथे त्यांचे सुमारे 7.5 दशलक्ष सदस्य आहेत. एल्विश यादव इन्स्टाग्रामवर देखील सक्रिय आहे, ज्यावर त्याचे 16 दशलक्षाहून अधिक फॉलोअर्स आहेत.
