खामगांव – गाना गाओ जिंदगी सजाओ फेसबुक लाईव्ह गाण्यांच्या अविरत प्रवासाला 8 वर्ष पूर्ण झाल्याबद्दल ईश्वरसिंह ठाकूर तथा कराओके सिंगिंग क्लब, खामगांव तर्फे शहरवासीयांच्या मनोरंजना करिता “एक शाम संगीत के नाम” या रंगारंग गीतांचा बहारदार कार्यक्रम आयोजित करण्यात आला आहे.
“गाना गाओ जिंदगी सजाओ” चे सर्वेसर्वा ईश्वरसिंह ठाकूर यांच्या नेतृत्वात पहिल्यांदाच सदर कार्यक्रम आयोजित करण्यात आला आहे. हा कार्यक्रम 25 ऑगस्ट 2025 रोजी दुपारी 2 ते रात्री 10 वाजेपर्यंत स्थानिक कोल्हटकर स्मारक मंदिर येथे घेण्यात येणार आहे. यामध्ये हिंदी, मराठी भाषेतील विभिन्न प्रकारची गीते सादर केली जातील.
सदर कार्यक्रम गायन प्रेमिंसाठी असून गाना गाओ जिंदगी सजाओ च्या मार्फत खुले मंच उपलब्ध करण्यात येत आहे. तरी जास्तीत जास्त नागरिकांनी कार्यक्रमात सहभागी व्हावे. तसेच रसिकांनी या कार्यक्रमाचा आस्वाद घेऊन मोठ्या संख्येने उपस्थित राहून कार्यक्रमाची शोभा वाढवावी, ही विनंती. आपलेच, गाना गाओ जिंदगी सजाओ टीम, खामगांव
