Earthquake : शेजारी देश नेपाळच्या पश्चिम भागात झालेल्या भीषण भूकंपामुळे आतापर्यंत 70 जणांचा मृत्यू झाला असून शेकडो लोक जखमी झाले आहेत. भूकंपामुळे अनेक घरे उद्ध्वस्त झाली आहेत. रुकुम पश्चिममध्ये ३६ जणांचा मृत्यू झाल्याची पुष्टी नेपाळी अधिकाऱ्यांनी केली आहे, तर जाजरकोट जिल्ह्यात ३४ जणांचा मृत्यू झाला आहे. भूकंप झाल्यापासून बचाव दल बचाव कार्यात गुंतले आहे. शुक्रवारी रात्री 11.30 च्या सुमारास नेपाळच्या पश्चिम भागात भूकंपाचे जोरदार धक्के जाणवले. भूकंपाची तीव्रता रिश्टर स्केलवर 6.4 इतकी मोजण्यात आली आहे.
40 सेकंद टिकणारे धक्के
नेपाळच्या नॅशनल सिस्मॉलॉजिकल सेंटरच्या अधिकाऱ्यांनी दिलेल्या माहितीनुसार, रात्री ११.४७ वाजता भूकंपाचा धक्का बसला आणि त्याचा केंद्रबिंदू जाजरकोटमध्ये जमिनीखाली १० किलोमीटर खोलीवर होता. याचा परिणाम भारत आणि चीनमध्येही भूकंपाचे धक्के जाणवले. भारतातही सुमारे ४० सेकंद भूकंपाचे धक्के जाणवले.
काठमांडूमध्ये लोक रस्त्यावर घाबरलेले दिसले
त्याचवेळी नेपाळची राजधानी काठमांडू आणि परिसरात भूकंपाचे जोरदार धक्के जाणवले. जाजरकोट हे काठमांडूपासून पश्चिमेला सुमारे 500 किलोमीटर अंतरावर आहे. भूकंपाचे धक्के जाणवताच काठमांडूतील लोक घराबाहेर पडले. यावेळी लोक रस्त्यावर घाबरलेले दिसले.
पंतप्रधान प्रचंड यांनी जीवित आणि मालमत्तेच्या हानीबद्दल शोक व्यक्त केला
नेपाळचे पंतप्रधान पुष्प कमल दहल प्रचंड यांनी भूकंपामुळे झालेल्या जीवित आणि मालमत्तेच्या हानीबद्दल शोक व्यक्त केला आहे. नेपाळच्या पीएमओने ट्विट केले, पंतप्रधान पुष्प कमल दहल यांनी शुक्रवारी रात्री 11.47 वाजता जाजरकोटच्या रामीदांडा येथे झालेल्या भूकंपामुळे झालेल्या जीवित आणि घरांच्या हानीबद्दल तीव्र दु:ख व्यक्त केले आहे. जखमींना तात्काळ बचाव आणि मदतीसाठी तिन्ही सुरक्षा यंत्रणा तैनात करण्यात आल्या आहेत.
2015 मध्ये 7.8 रिश्टर स्केलचा शक्तिशाली भूकंप झाला होता
हिमालयीन देश नेपाळमध्ये भूकंप सामान्य आहेत. 2015 मध्ये, 7.8 तीव्रतेच्या शक्तिशाली भूकंपाने संपूर्ण देश हादरला, 12,000 हून अधिक लोकांचा मृत्यू झाला आणि हजारो घरे उद्ध्वस्त झाली होती.
Nepal: Death toll jumps to 70 after strong earthquake
— ANI Digital (@ani_digital) November 4, 2023
Read @ANI Story | https://t.co/e1TCzfvGr9#NepalEarthquake #earthquake #Nepal pic.twitter.com/xY8BEM2zMS
