नांदेड जिल्‍हयातील १,४३,६२८ लाभार्थ्यांनी अद्याप e-KYC प्रक्रिया करणे बाकी…
नांदेड – महेंद्र गायकवाड
प्रधानमंत्री किसान सन्मान निधी (पीएम किसान) योजनेतील लाभार्थ्यांनी दि.१२ सप्‍टेबर २०२२ रोजी वितरीत होणारा १४ वा हप्‍ता मिळण्‍याकरीता,पात्र लाभार्थ्यांनी e-KYC दि.७ सप्‍टेबर २०२२ पर्यंत पुर्ण करण्‍याबाबत शासनाने कळविले आहे.
केंद्र शासनाने प्रधानमंत्री किसान सन्मान निधी योजनेचा पुढील कालावधीचा लाभ मिळण्‍यासाठी e-KYC प्रमाणीकरणाची प्रक्रिया बंधनकारक केली आहे. ज्‍या लाभार्थ्यांनी e-KYC केली नाही, अशा लाभार्थ्‍यांचा पुढील लाभ थांबविला जाणार आहे. e-KYC प्रमाणीकरणाची प्रक्रिया अतिशय सोपी असून, e-KYC करण्यासाठी OTP किंवा बायोमॅट्रिक हे पर्याय उपलब्ध करून दिले आहेत. त्‍यासाठी खालील दोन पध्‍दतीने e-KYC करता येईल.
लाभार्भी स्‍वतः https://pmkisan.gov.in या वेबसाईटवरील Farmer Corner या टॅबमध्ये किंवा PMKisan अँपद्वारे OTP द्वारे मोफत करता येईल. (पुढील लिंक व्‍दारे Direct e-KYC टॅब ओपन होईल – https://exlink.pmkisan.gov.in/aadharekyc.aspx )
ग्राहक सेवा केंद्र (CSC) येथे प्रति लाभार्थी रूपये १५/- दराने e-KYC प्रमाणीकरण बायोमॅट्रिक पद्धतीने करता येईल. नांदेड जिल्‍हयातील १,४३,६२८ लाभार्थ्यांनी अद्याप e-KYC न केल्‍याने योजनेचा पुढील कालावधीचा लाभ थांबविला जाणार आहे. e-KYC न केलेल्‍यांचा तालुकानिहाय तपशील पुढील प्रमाणे आहे.
प्रधानमंत्री किसान सन्मान निधी (पीएम किसान) योजनेतील ज्‍या लाभार्थ्यांनी e-KYC अद्याप केलेली नाही, त्‍यांनी दि.०७ सप्‍टेबर 2022 पुर्वी वरील दोन पध्‍दतीपैकी एका पध्‍दतीने e-KYC प्रक्रिया पुर्ण करून योजनेचा पुढील लाभ सुरळीत करून घेण्‍याबाबत जिल्‍हाधिकारी श्री. खुशालसिंह परदेशी यांनी आवाहन केले आहे .
