गोंदिया : राजेशकुमार तायवाडे
गोंदिया जिल्हा नियोजन समितीची सभा मंत्री, अन्न व औषध प्रशासन, महाराष्ट्र राज्य तथा पालकमंत्री, गोंदिया जिल्हा धर्मरावबाबा आत्राम यांचे अध्यक्षतेखाली शनिवार 23 डिसेंबर 2023 रोजी सकाळी 10 वाजता जिल्हा नियोजन समिती सभागृह, जिल्हाधिकारी कार्यालय, गोंदिया येथे आयोजित केलेली आहे.
जिल्हा नियोजन समिती सभा 27 ऑक्टोबर 2023 च्या इतिवृत्तास मंजुरी देणे. जिल्हा नियोजन समिती सभा 27 ऑक्टोबर 2023 च्या इतिवृत्तातील कार्यवाही मुद्यांच्या अनुपालन अहवालास मंजुरी देणे. जिल्हा वार्षिक योजना सन 2023-24 अंतर्गत राबविण्यात येणाऱ्या योजनांचा माहे नोव्हेंबर 2023 अखेर पर्यंत झालेल्या खर्चाचा आढावा घेणे (सर्वसाधारण योजना/अनुसूचित जाती उपयोजना/आदिवासी उपयोजना/ओटीएसपी योजना).
जिल्हा वार्षिक योजना सन 2023-24 च्या पुनर्विनियोजनास मंजुरी देणे (सर्वसाधारण योजना/अनुसूचित जाती उपयोजना/आदिवासी उपयोजना/ओटीएसपी योजना). जिल्हा वार्षिक योजना सन 2024-25 च्या प्रारुप आराखड्यास मान्यता देणे. अध्यक्ष महोदयांचे परवानगीने वेळेवर येणारे इतर विषय. या सभेस सर्व अंमलबजावणी यंत्रणांनी अद्ययावत माहितीसह नियोजित वेळेपूर्वी उपस्थित रहावे, असे आवाहन जिल्हाधिकारी चिन्मय गोतमारे यांनी केले आहे.
