Delhi Red Fort : शेतकऱ्यांच्या आंदोलनाच्या पार्श्वभूमीवर मध्य दिल्लीत (Delhi) मोठ्या प्रमाणात पोलीस आणि निमलष्करी दल तैनात करण्यात आले आहे. दुसरीकडे, ऐतिहासिक लाल किल्ला परिसर सुरक्षेच्या कारणास्तव तात्पुरता बंद करण्यात आला आहे. एका वरिष्ठ ASI अधिकाऱ्याने सांगितले की, सुरक्षेच्या कारणास्तव युनेस्कोच्या जागतिक वारसा स्थळ लाल किल्ला सोमवारी रात्री अचानक सील करण्यात आला. अधिका-याने सांगितले की ते पुढे कधी अभ्यागतांसाठी खुले केले जाईल, ते सुरक्षा एजन्सींवर अवलंबून असेल.
दिल्लीच्या दिशेने शेतकऱ्यांचा मोर्चा पाहता मंगळवारी सकाळी दिल्ली मेट्रोच्या आठ स्थानकांवर एक किंवा अधिक प्रवेश आणि एक्झिट गेट बंद करण्यात आले. मात्र, ही स्थानके बंद नसून प्रवाशांना इतर गेटमधून आत जाण्याची आणि बाहेर पडण्याची परवानगी आहे. पोलिस अधिकाऱ्यांच्या सूचनेनुसार सुरक्षेच्या कारणास्तव हे दरवाजे बंद करण्यात आले आहेत.
STORY | Farmers march: Delhi's Red Fort temporarily closed for visitors, says ASI official
— Press Trust of India (@PTI_News) February 13, 2024
READ: https://t.co/9YlkWSjwU9 pic.twitter.com/QI0jXEC3qu
एका वरिष्ठ अधिकाऱ्याने सांगितले की, राजीव चौक, मंडी हाऊस, केंद्रीय सचिवालय, पटेल चौक, उद्योग भवन, जनपथ आणि बाराखंबा रोड या अनेक स्टेशनवरील काही गेट बंद करण्यात आले आहेत. खान मार्केट मेट्रो स्टेशनचे एक गेटही मंगळवारी बंद करण्यात आल्याचे त्यांनी सांगितले.
शेतकऱ्यांना दिल्लीत प्रवेश करण्यापासून रोखण्यासाठी सिंघू, टिकरी आणि गाझीपूर सीमा बंद करण्यासाठी अनेक टप्प्यांत अडथळे उभारण्याबरोबरच पोलीस आणि निमलष्करी दलांची मोठी तैनाती करण्यात आली आहे.
शेतकऱ्यांच्या ‘दिल्ली चलो’ निषेध मोर्चात सहभागी तरुणांच्या एका गटाने मंगळवारी अंबाला येथील शंभू सीमेवर लावलेले बॅरिकेड तोडण्याचा प्रयत्न केला, त्यानंतर हरियाणा पोलिसांनी जमावाला पांगवण्यासाठी अश्रुधुराच्या नळकांड्या फोडल्या. काही शेतकऱ्यांनी ट्रॅक्टरच्या सहाय्याने सिमेंटचे ब्लॉक काढण्याचा प्रयत्न केला.
अधिकाऱ्यांनी सांगितले की, हरियाणा पोलिसांनी बॅरिकेडपासून दूर राहण्याचे आवाहन करूनही अनेक तरुण मागे हटले नाहीत आणि बॅरिकेडच्या वर उभे राहिले. ते म्हणाले की, काही आंदोलकांनी लोखंडी बॅरिकेड तोडून घग्गर नदीच्या पुलावरून खाली फेकण्याचा प्रयत्न केला तेव्हा पोलिसांनी अश्रुधुराच्या अनेक नळकांड्या फोडल्या.
