Delhi CM : दिल्ली दारू प्रकरणी मुख्यमंत्री अरविंद केजरीवाल आज म्हणजेच बुधवारी ईडीसमोर हजर राहणार नाहीत. आम आदमी पक्षाचे निमंत्रक अरविंद केजरीवाल यांनी आजही ईडी कार्यालयात जाणार नाही आणि चौकशीत सहभागी होणार नाही, असे उत्तर ईडीला पाठवले आहे. आम आदमी पक्षाने ही माहिती दिली आहे. दिल्ली दारू घोटाळा प्रकरणी ३ जानेवारीला ईडीने अरविंद केजरीवाल यांना तिसऱ्यांदा चौकशीसाठी समन्स बजावले होते.
ईडीच्या तिसऱ्या समन्सवर आम आदमी पार्टीने म्हटले आहे की, अरविंद केजरीवाल ईडीच्या तपासात सहकार्य करण्यास तयार आहेत, परंतु ईडीची नोटीस बेकायदेशीर आहे. अरविंद केजरीवाल यांना अटक करण्याचा त्यांचा हेतू आहे. त्यांना अरविंद केजरीवाल यांना प्रचारापासून रोखायचे आहे. निवडणुकीपूर्वी ही नोटीस का बजावण्यात आली, असा प्रश्न उपस्थित केला आहे.
आम आदमी पार्टीचे (आप) राष्ट्रीय संयोजक अरविंद केजरीवाल यांना पाठवण्यात आलेली ही तिसरी नोटीस आहे. यापूर्वी त्यांना 2 नोव्हेंबर आणि 21 डिसेंबर रोजी नोटीस बजावण्यात आली होती, मात्र त्यांनी एजन्सीसमोर हजर राहण्यास नकार दिला होता. दिल्ली सरकारच्या माजी अबकारी धोरण भ्रष्टाचार प्रकरणात ईडीने अरविंद केजरीवाल यांना 2 नोव्हेंबर रोजी चौकशीसाठी पहिले समन्स पाठवले होते, परंतु ते चौकशी प्रक्रियेत सहभागी होण्यासाठी आले नाहीत. त्यानंतर 21 डिसेंबर रोजी त्यांना ईडीने दुसरे समन्स बजावले होते, मात्र या समन्सवरही ते ईडीच्या चौकशी प्रक्रियेत सहभागी होण्यासाठी आले नाहीत आणि त्यांनी ईडीला पत्र लिहून उत्तर दिले.
आम आदमी पक्षाचे दोन ज्येष्ठ नेते – मनीष सिसोदिया आणि राज्यसभा खासदार संजय सिंह हे दिल्ली दारू घोटाळ्याप्रकरणी आधीच तुरुंगात आहेत. अबकारी धोरणातील ‘घोटाळा’ प्रकरणी सीबीआयने मनीष सिसोदिया यांना 26 फेब्रुवारी रोजी अटक केली होती. तेव्हापासून ते कोठडीत आहेत. सीबीआय एफआयआरच्या आधारे मनी लाँड्रिंग प्रकरणात 9 मार्च रोजी तिहार तुरुंगात चौकशी केल्यानंतर ईडीने सिसोदिया यांना अटक केली होती. मनीष सिसोदिया यांनी 28 फेब्रुवारी रोजी दिल्ली मंत्रिमंडळाचा राजीनामा दिला होता
दिल्ली के मुख्यमंत्री @ArvindKejriwal जी को फिर से ED ने Summon किया है।
— AAP (@AamAadmiParty) January 3, 2024
हैरानी की बात है कि बार-बार पूछने पर भी ये नहीं बताया कि किस हैसियत में बुला रहे हैं, ना वो गवाह हैं, ना वो अभियुक्त हैं।
ये ठीक Lok Sabha चुनाव से पहले हो रहा है, Timing पर सवाल उठ रहे हैं। मंशा ये है कि… pic.twitter.com/MeCFJBXvRo
