Thursday, July 18, 2024
spot_img
Homeगुन्हेगारीDeepfake | डीपफेक तंत्रज्ञानाचा वापर करून २०७ कोटींचा गंडा घातला...प्रकरण जाणून घ्या...

Deepfake | डीपफेक तंत्रज्ञानाचा वापर करून २०७ कोटींचा गंडा घातला…प्रकरण जाणून घ्या…

Deepfake : तंत्रज्ञान जेवढे माणसासाठी चांगले आहे तर तेवढच वाईट पण आजकाल तुम्ही डीपफेक नावाच्या नवीन तंत्रज्ञानाबद्दल खूप ऐकले असेल. जर तुम्ही याबद्दल काही ऐकले असेल तर ते नक्कीच वाईट ऐकले असेल, कारण या तंत्रज्ञानाचा वापर चुकीच्या गोष्टींसाठी केला जात आहे. डीपफेक तंत्रज्ञानाचा वापर करून सायबर गुन्हेगारांनी हाँगकाँगच्या एका कंपनीची 25 दशलक्ष रुपये किंवा सुमारे 207 कोटी रुपयांची फसवणूक केली.

साऊथ चायना मॉर्निंग पोस्टच्या वृत्तानुसार, या तंत्रज्ञानाचा वापर करून गुन्हेगारांनी डीपफेक लाईव्ह व्हिडिओ कॉन्फरन्सिंग कॉल केले आणि एवढ्या मोठ्या रकमेची फसवणूक केली. एखादी व्यक्ती बनावट व्यक्ती म्हणून लाईव्ह व्हिडिओ कॉल करून अशी फसवणूक कशी करू शकते.

अहवालानुसार, गुन्हेगारांनी कंपनीचे मुख्य आर्थिक अधिकारी (CFO) असल्याचे दाखवून कंपनीच्या कर्मचाऱ्याला थेट व्हिडिओ कॉल केला. या बनावट व्हिडिओ कॉन्फरन्स कॉल दरम्यान, गुन्हेगारांनी त्यांच्यासोबत बनावट सीएफओ तसेच कंपनीचे इतर काही वरिष्ठ अधिकारी ठेवले होते.

या व्हिडीओ कॉल दरम्यान गुन्हेगारांनी कंपनीचे वरिष्ठ अधिकारी असल्याची बतावणी करत कर्मचाऱ्याला वेगवेगळ्या ठिकाणी पैसे ट्रान्सफर करण्याचे आदेश दिले, जे कर्मचाऱ्याने आपल्या कंपनीचे वरिष्ठ अधिकारी म्हणून मान्य करून पैसे ट्रान्सफर केले. अशाप्रकारे, कर्मचाऱ्याने कंपनीच्या खात्यातून 25 दशलक्ष रुपयांहून अधिक म्हणजे सुमारे 207 कोटी रुपये ट्रान्सफर केले आणि कंपनीसोबत मोठी फसवणूक झाली.

कंपनीच्या कर्मचाऱ्यांना ही फसवणूक झाल्याचे समजताच ते पोलिसांकडे गेले. तपासादरम्यान, पोलिसांना आढळले की डीपफेक तंत्रज्ञानाचा वापर करून कंपनीच्या कर्मचाऱ्याला व्हिडिओ कॉन्फरन्सिंग कॉल केला गेला आणि त्याला फसवण्यात आले. हाँगकाँग पोलिसांनी दिलेल्या माहितीनुसार, आर्थिक एजन्सीची फसवणूक करण्यासाठी डीपफेक तंत्रज्ञानाचा वापर करण्यात आलेली ही पहिलीच घटना आहे.

याबाबत बोलताना वरिष्ठ अधीक्षक बॅरन चॅन शुन-चिंग म्हणाले, या फसवणुकीसाठी बहु-व्यक्ती व्हिडिओ कॉल करण्यात आला होता, ज्यामध्ये सर्व लोक बनावट होते. त्यांनी सांगितले की, गुन्हेगारांनी कंपनीच्या वरिष्ठ कर्मचाऱ्यांचे आवाज कॉपी करण्यासाठी डीपफेक तंत्रज्ञानाचा वापर केला आणि त्यांना त्यांच्या स्क्रिप्टनुसार बनवले, जेणेकरून व्हिडिओ कॉलमध्ये ऐकणाऱ्या लोकांना त्यांचा आवाज अगदी खरा वाटेल.

Gaurav Gawai
Gaurav Gawai
गौरव गजानन गवई हे महाव्हॉइस न्यूजचे सह-संस्थापक आहेत आणि रायटर आणि ग्राफिक डिझायनर म्हणूनही ते गेल्या पाच वर्षापासून काम करतात. त्यांना महाव्हॉइस न्यूजमध्ये ग्राफिक डिझायनिंग आणि कंटेंट रायटिंगचा मजबूत अनुभव आहे.
RELATED ARTICLES

Most Popular

Recent Comments

error: