CUET UG 2023 परीक्षेचे वेळापत्रक जाहीर…या दिवसापासून होणार नोंदणी सुरू…

CUET UG 2023: विद्यापीठ अनुदान आयोग UGC ने CUET UG 2023 (CUET UG 2023 Exam Date) परीक्षेच्या तारखा जाहीर केल्या आहेत. यूजी अभ्यासक्रमांसाठी कॉमन युनिव्हर्सिटी प्रवेश परीक्षा 21 मे 2023 पासून सुरू होईल. उमेदवार खाली अधिकृत सूचना पाहू शकतात.

CUET UG 2023 नोंदणी, परीक्षा
CUET UG 2023 साठी नोंदणी फेब्रुवारी 2023 च्या पहिल्या आठवड्यापासून सुरू होईल. 21 ते 31 मे 2023 या कालावधीत पदवीपूर्व कार्यक्रमांसाठी परीक्षा घेतली जाईल.

CUET PG 2023 परीक्षेची तारीख
त्याचप्रमाणे CUET PG परीक्षेच्या तारखाही जाहीर झाल्या आहेत. जून २०२३ च्या पहिल्या/दुसऱ्या आठवड्यात परीक्षा घेतली जाईल आणि त्यासाठीचे तात्पुरते वेळापत्रक पुढील आठवड्यात NTA द्वारे जाहीर केले जाईल.

CUET 2023 परीक्षेचा नमुना
परीक्षेचे माध्यम 13 भाषांमध्ये असेल- आसामी, बंगाली, इंग्रजी, गुजराती, हिंदी, कन्नड, मल्याळम, मराठी, उडिया, पंजाबी, तमिळ, तेलगू आणि उर्दू. ही परीक्षा देशातील 1000 परीक्षा केंद्रांवर घेतली जाईल, त्यापैकी 450-500 परीक्षा केंद्रे प्रत्येक दिवशी परीक्षेसाठी वापरली जातील.

विषयांची संख्या आणि प्रश्नपत्रिकांचा पॅटर्न सारखाच राहील. उमेदवार एक/दोन भाषा आणि सामान्य चाचणी व्यतिरिक्त 6 डोमेन विषय देऊ शकतो.

CUET UG 2023 चा निकाल
सूचनेनुसार, CUET UG चे निकाल जून 2023 च्या तिसऱ्या आठवड्यात घोषित केले जातील आणि CUET PG चे निकाल जुलै 2023 च्या पहिल्या आठवड्यात घोषित केले जातील. 1 ऑगस्ट 2023 पासून शैक्षणिक सत्र सुरू होण्याची अपेक्षा आहे.