CSMIA – मुंबई विमानतळाने ऐतिहासिक कामगिरीसह आणखी एक नवा टप्पा गाठला आहे. छत्रपती शिवाजी महाराज आंतरराष्ट्रीय विमानतळावर (CSMIA) एका दिवसात विक्रमी 1,61,760 प्रवाशांना सेवा देण्यात आली आहे. CSMIA सध्या फक्त सिंगल रनवे विमानतळ म्हणून कार्यरत आहे. अदानी समूहाचे अध्यक्ष गौतम अदानी यांनीही मुंबई विमानतळाच्या या रेकॉर्डबाबत सोशल मीडियावर एक पोस्ट शेअर केली आहे.
अदानी समुहाचे अध्यक्ष गौतम अदानी म्हणाले, “एक ऐतिहासिक कामगिरी! 11 नोव्हेंबर रोजी, आम्ही 24 तासांत 1,032 उड्डाणे करून विश्वविक्रम नोंदवून सर्वात व्यस्त हवाई वाहतूक दिवस साजरा केला. आणि आज, मुंबई विमानतळावर एक नवीन मैलाचा दगड रचण्याचा मान आम्हाला मिळाला आहे.
साध्य…या सिंगल रनवे विमानतळाने एका दिवसात 1,61,760 प्रवाशांना विक्रमी सेवा दिली आहे! AAI, CISF, इमिग्रेशन आणि कस्टम्स, एअरलाइन भागीदार आणि CSMIA मधील आमच्या अदानी टीमचे त्यांच्या अथक प्रयत्नांसाठी खूप खूप आभार. जय हिंद .”
A historic achievement! On 11 Nov, we celebrated the busiest air traffic day by setting a world record with 1,032 flights in 24 hours. And today, we honour Mumbai Airport's new milestone, a single-runway airport serving a record-breaking 161,760 passengers in a single day!… pic.twitter.com/Nuz9apf1pP
— Gautam Adani (@gautam_adani) November 19, 2023
दिवाळीच्या मुहूर्तावर मुंबई विमानतळावरून एक हजाराहून अधिक उड्डाणांची एअर ट्रॅफिक मुव्हमेंट (एटीएम) नोंद झाली. 11 नोव्हेंबर रोजी 1032 फ्लाइटचे टेकऑफ आणि लँडिंग झाले. सीएसएमआयएसाठी ही मोठी उपलब्धी आहे. आता एका दिवसात 1,61,760 प्रवाशांना सेवा देण्याचा विक्रम झाला आहे. हे मुंबई विमानतळाची देखभाल करताना सुरक्षा आणि मानक प्रवासी सेवेचे प्रमाण वाढवण्याची क्षमता दर्शवते.
मुंबई आंतरराष्ट्रीय विमानतळाचे व्यवस्थापन अदानी समूहाकडे आहे. यापूर्वी, एका दिवसात 1032 हवाई वाहतुकीचा विक्रम नोंदवल्यानंतर, मुंबई विमानतळाने 11 नोव्हेंबर रोजी 1,61,419 प्रवाशांना सेवा दिली होती, आज हा विक्रम मोडला गेला आहे.
