बाळापूर – सुधीर कांबेकर
बाळापूर शहरातील बसस्थानकात प्रवेश करताना विद्युत खांबाला विजेचा धक्का लागून गाय जखमी झाल्याची घटना काल दि १२ जुलै रात्री ८ वाजताच्या सुमारास बसस्थानकाच्या प्रवेश मार्गावर घडली तेथे उपस्थित असलेल्या ऑटो चालक व नागरिकांनी गायीला खांबावरून खेचून तिचे प्राण वाचवले, मात्र त्यानंतर उपस्थित नागरिकांनी विद्युत विभागाविरुद्ध संताप व्यक्त केला, कारण ज्या पोलमध्ये विद्युत प्रवाह वाहत होता तो पोल बस स्थानक येथील प्रवेश मार्गावरच आहे.
येथून कोणी प्रवासी किंवा नागरिक गेले असते तर कदाचित या खांबाला विद्युत प्रवाह आल्याने आपला जीव गमवावा लागला असता, त्यामुळे तेथे उपस्थित नागरिकांनी याबाबत तीव्र नाराजी व्यक्त केली होती विद्युत खांबामध्ये विद्युत प्रवाह येण्याचे कारण शोधून ते दुरुस्त करण्याची मागणी नागरिकांनी केली असून विज वितरण मंडळाच्या भोंगळ कारभारवर प्रश्नचिन्ह निर्माण होत असून अधिकारी वर्ग झोपाकाढत असल्याची नागरिकांन मध्ये चर्चा आहे.
