Champions Trophy 2024 : चॅम्पियन्स ट्रॉफीचे आयोजन पुढील वर्षी होणार आहे. ही स्पर्धा हायब्रीड मॉडेलमध्ये खेळवली जाईल. पाकिस्तानशिवाय या स्पर्धेचे आयोजन संयुक्त अरब अमिराती (UAE) करणार आहे. आंतरराष्ट्रीय क्रिकेट परिषदेने (ICC) मंगळवारी आगामी स्पर्धेचे वेळापत्रक जाहीर केले. ही स्पर्धा १९ फेब्रुवारीपासून सुरू होणार असून अंतिम सामना ९ मार्चला होणार आहे.
ICC ने 24 डिसेंबर रोजी चॅम्पियन्स ट्रॉफीचे वेळापत्रक जाहीर केले आहे. हा मेगा इव्हेंट १९ फेब्रुवारीपासून सुरू होत आहे. भारतीय संघ 20 फेब्रुवारीपासून आपल्या मोहिमेला सुरुवात करणार आहे. भारताला पहिला सामना बांगलादेशविरुद्ध खेळायचा आहे. यानंतर टीम इंडिया 23 फेब्रुवारीला दुसरा सामना खेळणार आहे. टीम इंडिया साखळी टप्प्यातील शेवटचा सामना ३ मार्चला न्यूझीलंडविरुद्ध खेळणार आहे.
भारतीय संघ आपले सर्व सामने दुबईत खेळणार आहे. हे सामने Star Sports आणि Disney + Hotstar वर पाहायला मिळतील.सर्व सामने भारतीय वेळेनुसार दुपारी 2 ते 2:30 दरम्यान सुरू होऊ शकतात.
पात्र ठरल्यास भारत दुबईत अंतिम सामना खेळेल
आठ संघांच्या या स्पर्धेत 15 सामने होणार आहेत. भारतीय संघाचे ग्रुप स्टेजचे सर्व सामने दुबईत खेळवले जातील. तर, इतर संघांचे सामने पाकिस्तानातच खेळवले जातील. ही स्पर्धा १९ दिवस चालणार आहे. पाकिस्तानातील रावळपिंडी, लाहोर आणि कराची येथे सामने खेळणार आहेत. पाकिस्तानमध्ये प्रत्येक मैदानावर तीन गट सामने खेळवले जातील. दुसऱ्या उपांत्य फेरीचे आयोजन लाहोरमध्ये होईल. जर भारत अंतिम फेरीसाठी पात्र ठरला नाही, तर लाहोर 9 मार्च रोजी अंतिम फेरीचे आयोजन करेल. भारत पात्र ठरल्यास अंतिम सामना दुबईत खेळवला जाईल. सेमीफायनल आणि फायनल या दोन्ही सामन्यांमध्ये राखीव दिवस असतील. तीन गट सामने आणि भारताचा समावेश असलेला पहिला उपांत्य सामना दुबईत खेळवला जाईल.
Check out the full fixtures for the ICC Champions Trophy 2025. pic.twitter.com/oecuikydca
— ICC (@ICC) December 24, 2024
23 फेब्रुवारीला भारत आणि पाकिस्तान यांच्यात सामना होणार आहे
गतविजेता पाकिस्तान 19 फेब्रुवारीला कराची येथे न्यूझीलंडविरुद्ध स्पर्धेची सुरुवात करेल. पाकिस्तानचा शेवटचा साखळी सामना बांगलादेश विरुद्ध रावळपिंडी येथे २७ फेब्रुवारी रोजी होणार आहे. चॅम्पियन्स ट्रॉफीमध्ये भारत आणि पाकिस्तान यांच्यातील साखळी सामना 23 फेब्रुवारी (रविवार) रोजी होणार आहे. हा सामना दुबईत होणार आहे.
भारत आणि पाकिस्तान व्यतिरिक्त बांगलादेश आणि न्यूझीलंड अ गटात आहेत.
पाकिस्तान व्यतिरिक्त भारताच्या गटातील इतर दोन संघ बांगलादेश आणि न्यूझीलंड आहेत. मोठ्या सामन्यापूर्वी भारताचा सामना 20 फेब्रुवारीला बांगलादेशशी होईल आणि पाकिस्तानशी सामना केल्यानंतर संघाचा सामना 2 मार्चला न्यूझीलंडशी होईल. हे सर्व सामने दुबईत होणार आहेत.
दुसऱ्या गटात अफगाणिस्तान, ऑस्ट्रेलिया, इंग्लंड आणि आफ्रिका
दुसऱ्या गटात अफगाणिस्तान, ऑस्ट्रेलिया, इंग्लंड आणि दक्षिण आफ्रिका यांचा समावेश आहे. भारतीय खेळांव्यतिरिक्त दोन्ही गटांचे सामने लाहोर, कराची आणि रावळपिंडी येथे होणार आहेत.
उपांत्य फेरी आणि अंतिम फेरीसाठी काय व्यवस्था आहे?
दोन उपांत्य फेरीचे सामने ४ आणि ५ मार्च रोजी होतील. दोन्ही उपांत्य फेरीसाठी राखीव दिवस ठेवण्यात आला आहे. 9 मार्च रोजी होणाऱ्या अंतिम फेरीतही राखीव दिवसाची तरतूद असेल. पहिला उपांत्य सामना (जर भारत त्यात पोहोचला तर) UAE मध्ये खेळवला जाईल. जर भारत पात्र ठरला नाही तर हा सामना पाकिस्तानमध्येच होणार आहे. त्याचप्रमाणे अंतिम सामना लाहोरमध्ये होणार आहे. भारताने विजेतेपदापर्यंत मजल मारल्यास ती युएईमध्ये होणार आहे.
हायब्रीड मॉडेल 2024-2027 पर्यंत लागू असेल
यापूर्वी, आंतरराष्ट्रीय क्रिकेट परिषदेने (ICC) गुरुवारी सांगितले होते की भारत आणि पाकिस्तान यांच्यातील सर्व सामने तटस्थ ठिकाणी खेळवले जातील. याचा अर्थ आता दोन्ही संघ कोणत्याही आयसीसी स्पर्धेत एकमेकांच्या देशाचा दौरा करणार नाहीत आणि दोन्ही संघांमधील सामने तटस्थ ठिकाणी खेळवले जातील. हा नियम 2024-2027 पर्यंत लागू राहील.
