न्युज डेस्क – भारतात नव्हे तर इतर देशातही बरेच लोक वेगवेगळ्या OTT सेवा वापरतात आणि त्यावर व्हिडीओ, शो. चित्रपट पहायलाही त्यांना आवडतात. पण त्यांना पैसे देणे आवडत नाही. आता पैसे न देता OTT सबस्क्रिप्शन कसे पहावे? हे शेअरिंगद्वारे केल्या जाते. त्यासाठी बरेच वापरकर्ते एकमेकांच्या लॉगिन पासवर्डद्वारे व्यवस्थापित करतात. हे बर्‍याच दिवसांपासून सुरू आहे. हेच कारण आहे की OTT ॲप्स भारतात लोकप्रिय पर्याय बनले आहेत. पण कंपन्यांना हा ट्रेंड थांबवायचा आहे.
या वर्षी जुलैमध्ये नेटफ्लिक्सने भारतीय वापरकर्त्यांना त्यांचे पासवर्ड त्यांच्या घराबाहेर शेअर करण्यापासून रोखले होते. आता डिस्नेही नेटफ्लिक्सच्या मार्गावर आहे. Disney+ ने कॅनडातील वापरकर्त्यांना त्यांचे पासवर्ड त्यांच्या घराबाहेर शेअर करू नयेत असे सांगितले आहे. Disney+ ने वापरकर्त्यांसाठी पासवर्ड शेअर करणे बंद केले आहे.
1 नोव्हेंबरपासून, कॅनडातील वापरकर्ते यापुढे त्यांचे पासवर्ड त्यांच्या घराबाहेर शेअर करू शकणार नाहीत. Disney+ ने आपल्या ग्राहकांना ईमेलद्वारे ही माहिती दिली आहे.
एका अहवालानुसार, ईमेलमध्ये असे लिहिले आहे की, “आम्ही तुमचे खाते किंवा लॉगिन क्रेडेन्शियल्स तुमच्या घराबाहेर शेअर करण्यावर प्रतिबंध करत आहोत.” याशिवाय, कंपनीचे अद्ययावत मदत केंद्र हे देखील सांगते, “तुम्ही तुमचे सदस्यत्व तुमच्या घराबाहेर शेअर करू शकत नाही.”
वापरकर्त्यांची खाती मर्यादित केली जात आहेत. यासाठी खात्याचे विश्लेषण करण्यात येणार असल्याचे कंपनीने म्हटले आहे. जर कंपनीला असे आढळले की वापरकर्ता या नियमांचे पालन करत नाही तर कंपनी त्याचे खाते बंद करेल.
सध्या हा नियम कॅनडामध्ये लागू करण्यात आला आहे. अशा स्थितीत भारतात त्याच्या अंमलबजावणीबाबत अद्याप कोणतीही माहिती मिळालेली नाही. पण डिस्ने लवकरच इतर देशांमध्येही पासवर्ड शेअर करणे बंद करेल, असे मानले जात आहे.
