बिलासपूर हत्याकांड : छत्तीसगडमधील बिलासपूरमध्ये महिलेची हत्या करून तिच्या मृतदेहाचे तुकडे केल्याची घटना समोर आली आहे. गुन्हा केल्यानंतर आरोपी पतीने मृतदेहाचे अवयव गेल्या दोन महिन्यांपासून पाण्याच्या टाकीत लपवून ठेवले होते. पोलिसांनी छतावर ठेवलेल्या पाण्याच्या टाकीतून महिलेच्या मृतदेहाचे सर्व 6 तुकडे जप्त केले आहेत. पोलिसांनी आरोपीला अटक केली आहे.
मिळालेल्या माहितीनुसार, चौकशीदरम्यान आरोपी पतीने सांगितले की, त्याला पत्नीच्या चारित्र्यावर संशय होता, त्यामुळेच त्याने हा गुन्हा केला आहे. सीता साहू असे मृताचे नाव असून पवन ठाकूर असे आरोपीचे नाव आहे. सध्या पोलीस आरोपीची कसून चौकशी करत आहेत.
मिळालेल्या माहितीनुसार, पोलिसांनी आरोपी पवन ठाकूर याला बनावट नोटांसह पकडले. यानंतर पोलिसांनी तपासाची व्याप्ती वाढवत आरोपीच्या घरापर्यंत पोहोचून शोध घेतला. पोलीस आरोपीच्या घराच्या टेरेसवर पोहोचले तेव्हा पाण्याच्या टाकीतून दुर्गंधी येत होती. पोलिसांनी टाकी उघडली असता खुनाचा प्रकार उघडकीस आला.
पोलिसांनी सांगितले की, एका पाण्याच्या टाकीत महिलेच्या मृतदेहाचे तुकडे करून, आरोपीच्या घरातून बनावट नोटांचे बंडल आणि नोट मोजण्याचे मशीन देखील जप्त करण्यात आले आहे. आरोपी पवन ठाकूर आणि सीता यांचे लग्न 10 वर्षांपूर्वी झाले होते. दोघांनी प्रेमविवाह केला होता. दोघांना दोन मुले असून, त्यात मुलगी पाच वर्षांची तर मुलगा तीन वर्षांचा आहे.
चौकशीदरम्यान आरोपीने पोलिसांना ही माहिती दिली
चौकशीत आरोपी पवन ठाकूरने सांगितले की, तो पत्नी आणि दोन मुलांसह भाड्याच्या घरात राहत होता. त्याला पत्नीच्या चारित्र्यावर संशय असल्याने त्याने ५ जानेवारी रोजी पत्नीची हत्या केली. गुन्हा केल्यानंतर आरोपीने आपल्या दोन्ही मुलांना आई-वडिलांकडे तखतपूर येथे सोडले.
