नांदेड – महेंद्र गायकवाड
कंधार तालुक्यातील शिराढोण येथील राजेश्वर आनंदराव भुरे या लष्करी जवानाला कर्तव्य बजावत असताना सिंकद्राबाद येथे वीरमरण आले असून त्यांच्या पार्थिवावर दिनांक 6 सप्टेंबर रोजी शिराढोण येथे शासकीय इतमामात अंत्यसंस्कार करण्यात येणार असल्याची प्राथमिक माहिती मिळाली आहे.
हैद्राबाद मधील सिकंद्राबाद या ठिकाणी कर्तव्य बजावत असताना 4 सप्टेंबर रोजी वीर जवान राजेश्वर भुरे यांना वीर मरण आले आहे. शिराढोण येथील रहिवासी राजेश्वर आनंदराव भुरे हे गेल्या 13-14 वर्षा पासून इएमई बटालियनमध्ये आपले कर्तव्य चोखपणे बजावत होते. शहीद जवान राजेश्वर भुरे यांच्या पश्चात आई, वडिल,पत्नी, एक मुलगा 2 मोठे भाऊ असा परिवार आहे. त्यांच्या पार्थिवावर 6 सप्टेंबर रोजी शिराढोण येथे सकाळी ११ वाजता शासकीय इतमामात शोकाकुल वातावरणात अंत्यसंस्कार करण्यात येणार आहे.
