राज्याच्या राजकारणात नवनीत राणा यांचे नाव अचानक चर्चेत आले. अपक्ष खासदाराने राज्याचे तत्कालीन मुख्यमंत्री उद्धव ठाकरे यांना खुले आव्हान दिले होते. त्या आणि त्यांचे आमदार पती रवी राणा यांनाही अटक करण्यात आली होती. आता त्यांनाही अच्छे दिन येणार आहेत. उद्याच्या मंत्रिमंडळ विस्तारातही त्यांना स्थान मिळणार असल्याची माहिती सूत्राकडून मिळत आहे. रवी राणा यांनीही एकनाथ शिंदे आणि देवेंद्र फडणवीस यांच्या सरकारला पाठिंबा दिला आहे.
अमरावतीच्या खासदार नवनीत राणा आणि त्यांचे पती आमदार रवी राणा यांनी महाराष्ट्राचे मुख्यमंत्री उद्धव ठाकरे यांच्या ‘मातोश्री’ या खाजगी निवासस्थानाबाहेर हनुमान चालीसा वाचण्याची घोषणा केली होती, जी नंतर शिवसैनिकांच्या प्रचंड विरोधानंतर त्यांनी रद्द केली. संजय राऊत म्हणाले की, नवनीत राणा यांच्यावर केंद्र सरकारच्या इशाऱ्यावर काम केल्याचा आरोप आहे.
या दोन्ही नेत्यांना शनिवारी २३ एप्रिल रोजी मुंबई पोलिसांनी अटक केली होती. ‘वेगवेगळ्या गटांमध्ये शत्रुत्व निर्माण केल्याप्रकरणी’ या दोन्ही नेत्यांना मुंबई पोलिसांनी अटक केली होती. मुंबई पोलिसांनी आमदार रवी राणा आणि खासदार नवनीत कौर राणा यांच्या विरोधात खार पोलीस ठाण्यात कलम १५३ (ए), ३४, आयपीसी आर/डब्ल्यू ३७(१) १३५ मुंबई पोलीस कायदा अंतर्गत गुन्हा दाखल केला होता.
ठाकरे यांनी ही घटना घडवून आणल्याचा आरोप करत राणा कुटुंबीयांनी प्रत्युत्तर दिले. नवनीत कौर म्हणाल्या होत्या की महाराष्ट्राच्या मुख्यमंत्र्यांनी शिवसेनेच्या कार्यकर्त्यांना आम्हाला त्रास देण्याचे आदेश दिले होते, तर त्यांचे पती रवी राणा म्हणाले की उद्धव ठाकरेंना फक्त राजकीय फायदा हवा आहे.
