Atul Subhash : अतुल सुभाष आत्महत्या प्रकरणी पोलिसांनी मोठी कारवाई केली आहे. अभियंता अतुल सुभाष यांच्या आत्महत्येप्रकरणी बंगळुरू पोलिसांनी पत्नी, सासू आणि मेव्हण्याला अटक केली आहे. पोलिसांनी रविवारी सांगितले की, अतुल सुभाषची पत्नी निकिता सिंघानियाला हरियाणातील गुरुग्राम येथून अटक करण्यात आली आहे. यासोबतच निकिताची आई निशा सिंघानिया आणि भाऊ अनुराग सिंघानिया यांना उत्तर प्रदेशातील प्रयागराज येथून अटक करण्यात आली आहे.
शनिवारी सकाळी आरोपींना अटक करून बंगळुरूला आणण्यात आल्याचे पोलिसांनी सांगितले. यानंतर तिघांनाही स्थानिक न्यायालयात हजर करण्यात आले. येथून न्यायालयाने तिघांनाही १४ दिवसांची न्यायालयीन कोठडी सुनावली. यापूर्वी, अतुल सुभाष (३४) यांचा मृतदेह ९ डिसेंबर रोजी दक्षिण-पूर्व बंगळुरूमधील मुन्नेकोलालू येथील त्यांच्या घरी लटकलेल्या अवस्थेत आढळून आला होता.
त्याने व्हिडीओमध्ये आरोप केला होता की त्याच्यापासून दूर गेलेली पत्नी आणि सासरच्या लोकांनी त्याला खोट्या प्रकरणात अडकवून आणि सतत त्रास देऊन आत्महत्या करण्यास भाग पाडले. या आधारे मराठहल्ली पोलिसांनी आत्महत्येस प्रवृत्त केल्याचा गुन्हा दाखल करून निकितासह तिघांना अटक केली.
Atul Subhash suicide case | Accused Nikita Singhania has been arrested from Gurugram, Haryana. Accused Nisha Singhania and Anurag Singhania arrested from Prayagraj and produced before the court and given to judicial custody: Shivakumar, DCP White Field Division, Bengaluru… pic.twitter.com/8XxZUcwkfQ
— ANI (@ANI) December 15, 2024
काय प्रकरण आहे?
बंगळुरूमध्ये काम करणाऱ्या ३४ वर्षीय आयटी प्रोफेशनल अतुल सुभाषने पत्नी आणि तिच्या कुटुंबीयांकडून होणाऱ्या छळामुळे आणि दोन वर्षांत १२० कोर्टाच्या तारखा देऊनही न्याय न मिळाल्याने मृत्यूला कवटाळले होते. आत्महत्या हाच शेवटचा पर्याय मानून, हे जग सोडण्यापूर्वी अतुलने सुमारे दीड तासाचा व्हिडिओ आणि २४ पानी सुसाईड नोट टाकली होती, ज्यामध्ये वैवाहिक जीवनातील सामाजिक जडणघडण, लोभ आणि कारस्थानाच्या कहाण्या आहेत. भागीदार, आणि विधी विभागातील भ्रष्टाचार उघडकीस आणला होता.
मराठहळ्ळी पोलिसांनी एफआयआर दाखल केली होता
या प्रकरणी मराठहल्ली पोलिसांनी अतुलचा भाऊ विकास कुमार यांच्या तक्रारीवरून अतुलची पत्नी निकिता सिंघानियासह चार जणांविरुद्ध बीएनएस कलम १०८ आणि ३(५) अन्वये एफआयआर नोंदवला होता. निकिता सिंघानिया, तिची आई निशा सिंघानिया, भाऊ अनुराग सिंघानिया आणि काका सुशील सिंघानिया यांच्याविरोधात एफआयआर दाखल करण्यात आला आहे. पोलिसांपासून सर्वजण पळत होते.
