मुंबईतील जोगेश्वरी परिसरात शनिवारी सायंकाळी मोठा अपघात झाला. येथे एका बांधकामाधीन इमारतीजवळून जाणाऱ्या ऑटोरिक्षावर लोखंडी रॉड पडला. यामध्ये एक महिला व मुलीचा मृत्यू झाला.
पश्चिम द्रुतगती महामार्गावरील रुग्णालयाजवळ सायंकाळी ५.४५ वाजता ही घटना घडली. या घटनेत आईचा जागीच मृत्यू झाला आणि मुलीला अत्यंत गंभीर अवस्थेत रुग्णालयात दाखल करण्यात आले. तिचाही उपचारादरम्यान मृत्यू झाला. 14 मजली इमारतीच्या मचानच्या सातव्या मजल्यावरून लोखंडी रॉड खाली पडला आणि थेट रिक्षात घुसला.
बृहन्मुंबई महानगरपालिकेच्या (BMC) अधिकाऱ्याने सांगितले की, ज्या इमारतीत हा अपघात झाला ती इमारत झोपडपट्टी पुनर्वसन प्राधिकरण (SRA) प्रकल्प होती. बांधकामाधीन इमारतीजवळून ऑटोमधून जात असलेल्या शमा बानो आसिफ शेख (28) आणि आयत आसिफ शेख (9) यांच्यावर लोखंडी रॉड पडला, असे त्यांनी सांगितले.
एकाने नागरीकाने हेल्पलाइनला कळवल्यानंतर त्यांना प्रथम जवळच्या ट्रॉमा केअर रुग्णालयात नेण्यात आले, असे अधिकाऱ्याने सांगितले. रुग्णालयातील डॉक्टरांनी महिलेला मृत घोषित केले, तर मुलीला अंधेरीतील कोकिलाबेन रुग्णालयात नेण्यात आले. मात्र कोकिलाबेन रुग्णालयातील डॉक्टरांनी त्यांना मृत घोषित केले.
पोलिसांनी घटनास्थळ गाठून तपास व कारवाई सुरू केली. अपघात कशामुळे झाला हे पाहण्यासाठी सीसीटीव्ही फुटेज तपासले जात आहे. आतापर्यंत झालेल्या तपासणीत बांधकाम साईटवर काम करणाऱ्या कर्मचाऱ्यांच्या निष्काळजीपणाची बाब समोर आली आहे.
