अमरावती : दर्यापूर तालुक्यातील दर्यापूर-अकोला रोडवरील लासुर शेतशिवारात वीज पडुन मजुराचा दुर्दैवी मृत्यू झाल्याची घटना दि.15 जुलै रोजी दुपारी अडीच वाजताच्या सुमारास घडली. मोराज रामचंद्र खडे(वय 42) रा.रामतीर्थ असे मृत मजुराचे नाव आहे.
मिळालेल्या माहितीनुसार, आज लासुर येथील वासुदेवराव राऊत यांच्या शेतात पेरणीकरिता मजूर म्हणून काम करत असतांना दुपारच्या सुमारास वादळी वाऱ्यासोबत पाऊस सुरू झाल्याने मजूर शेतीतील निबाच्या झाडाखाली जाऊन उभे राहिले असता अचानक वीज पडल्याने मोराज रामचंद्र खडे(वय 42)रा.रामतीर्थ या मजुराचा दुर्दैवी मृत्यू झाला. तर बाळू लोणकर रा.रामागड व चंद्रशेखर अभ्यंकर रा.लासुर हे जखमी झाले आहेत.
त्यांना उपचारासाठी तात्काळ दर्यापूर येथे सरकारी दवाखान्यांमध्ये दाखल करण्यात आले आहे असून त्यांची प्रकृती चांगली आहे.
या घटनेची माहिती मिळताच दर्यापूर मतदार संघाचे आमदार बळवंतराव वानखडे, कृषी उत्पन्न बाजार समिती संचालक बाळासाहेब हिंगणीकर, शिवसेना जिल्हाप्रमुख गोपाल पाटील अरबट व देवमजी भावर आणि रणशेराव लाजुरकर व कोळी महा संघ कार्यकर्ता यांनी घटना स्थळी धाव घेत जखमी रुग्णाची भेट घेतली.
