अमरावती : राजकारणात कोणी कोणाचा शत्रू किंवा कोणी कोणाचा मित्र नसतो. पण एरवी एकमेकांच्या विरोधात रान उठवणारे रवी राणा आणि तुषार भारतीय हे एका कार्यक्रमानिमित्त एकाच मंचावर दिसून आल्याने शहरात राजकीय चर्चांना उधाण आले आहे तर तुषार भारतीय यांनी भाषणात दरम्यान राजकीय चिमटे काढल्याचे व्हिडीओ सोशल मिडीयावर व्हायरल होत असलेल्या व्हिडीओ मध्ये दिसत आहे…
बडनेरा विधानसभेतील महायुती कडून संभाव्य उमेदवार असलेल्या रवी राणा आणि तुषार भारतीय हे काल एकाच मंचावर दिसल्याने शहरात राजकीय चर्चेला उधाण आले आहे. एकमेकांचे शत्रू म्हणून ओळखल्या जाणारे रवी राणा आणि तुषार भारतीय हे नेहमीच एकमेकांवर राजकीय चिखलफेक करतांना दिसतात विशेष म्हणजे रवी राणा आणि तुषार भारतीय यांना एकमेकाची सावली सुद्धा सहन होत नाही, मात्र एकाच मंचावर दिसल्याने विविध चर्चेला उधान सुरु झाले आहे. निमित्य होते ते गडगडेश्वर येथील शिवपुराण कार्यक्रम. शिवपुराण या कार्यक्रमाच्या समारोपीय भाषणावेळी दोन्ही नेते मंचावर उपस्थित होते. यावेळी तुषार भारतीय यांनी भाषणादरम्यान रवी राणा यांच्यावर ताशेरे ओढल्याचे बघायला मिळाले.
