अमरावती : शहरातील सिटी कोतवाली पोलिस ठाण्यासमोरील हॉटेल शेरे पंजाब बार & रेस्टॉरंटमध्ये शुक्रवारी सकाळी ८ वाजण्याच्या सुमारास संतोष त्रंबक सोनसढे या ४७ वर्षीय कर्मचाऱ्याचा मृतदेह पहिल्या मजल्यावर लटकलेल्या अवस्थेत आढळून आल्याने खळबळ उडाली. हॉटेलमधीलच संतोषने दुपट्ट्याच्या साहाय्याने पंख्याला गळफास घेऊन आत्महत्या केल्याचे हॉटेलमधीलच काही कर्मचाऱ्यांनी पाहिले. घटनेची माहिती मिळताच सिटी कोतवाली पोलीस दाखल झाले.
मिळालेल्या माहितीनुसार, १५ दिवसांआधी संतोषच्या वडिलांनी फाशी घेतली सहा महिन्याआधी आईने फाशी घेतली आणि आज संतोषने गळफास घेवून आपले जीवन संपविले. संतोष यांचा मुलगा ओम संतोष सोनसढे यांच्या तक्रारीवरून सिटी कोतवाली पोलिसांनी आकस्मिक मृत्यूची नोंद केली आहे.
