एअर इंडियाचे विमान दिल्लीहून काठमांडूला जात असतांना मोठा अपघात टळला. एअर इंडिया आणि नेपाळ एअरलाइन्सची विमाने मध्य-हवाई टक्करातून थोडक्यात बचावली होती. हवाई वाहतूक नियंत्रकाच्या निष्काळजीपणामुळे हा प्रकार घडल्याचे नेपाळ नागरी उड्डयन प्राधिकरण (CAAN) चे म्हणणे आहे. दोन्ही विमाने आकाशात अगदी जवळ आली. विमानाच्या वॉर्निंग सिस्टमने दोन्ही वैमानिकांना सतर्क केले, त्यामुळे मोठा अपघात टळला.
प्राधिकरणाचे प्रवक्ते जगन्नाथ निरौला यांनी सांगितले की, या निष्काळजीपणाबद्दल तीन हवाई वाहतूक नियंत्रकांना पदावरून हटवण्यात आले आहे. ही संपूर्ण घटना शुक्रवारी घडली. क्वालालंपूर, मलेशियाहून काठमांडूला येणारे नेपाळ एअरलाइन्सचे एअरबस ए-३२० विमान आणि नवी दिल्लीहून काठमांडूला येणारे एअर इंडियाचे विमान शुक्रवारी सकाळी जवळ आले.
निरौला म्हणाले की एअर इंडियाचे विमान 19,000 फूट खाली उतरत होते तर नेपाळ एअरलाइन्सचे विमान त्याच ठिकाणी 15,000 फूट उंचीवर उडत होते.
प्रवक्त्याने सांगितले की, रडारवर त्याचा इशारा मिळताच नेपाळ एअरलाइन्सच्या पायलटने त्यांचे विमान आकाशात 7,000 फूट खाली उतरवले. हा सर्व प्रकार नियंत्रकाच्या निष्काळजीपणामुळे घडला. या प्रकरणाच्या चौकशीसाठी प्राधिकरणाने तीन सदस्यीय चौकशी समिती स्थापन केली असल्याची माहिती त्यांनी दिली. या प्रकरणी एअर इंडियाकडून अद्याप कोणतेही वक्तव्य आलेले नाही.
