Sukesh Chandrasekhar CCTV: दिल्लीच्या मंडोली कारागृहात बंद असलेल्या सुकेश चंद्रशेखरच्या सेलचे सीसीटीव्ही फुटेज समोर आले आहे. फुटेजमध्ये सुकेश ढसाढसा रडताना दिसत आहे. सूत्रांनी दिलेल्या माहितीनुसार, कारागृह प्रशासनाच्या पथकाने सुकेशच्या कक्षातही तपासणी मोहीम राबवली. डिझायनर पँटसह गुच्ची शूज आणि इतर वस्तूही जप्त करण्यात आल्या आहेत.
सुकेश चंद्रशेखर यांच्या सेलचा व्हिडिओ एएनआय या वृत्तसंस्थेने जारी केला आहे. सीसीटीव्ही फुटेजमध्ये ठग सुकेश चंद्रशेखर जेलर दीपक शर्मा आणि जयसिंग यांच्यासमोर रडताना दिसत आहेत.
सुकेशच्या सेलमध्ये लक्झरी वस्तू सापडल्या
ठग सुकेश चंद्रशेखरच्या तुरुंगात चैनीच्या वस्तू सापडल्या आहेत. मंडोली कारागृहातील सीसीटीव्ही फुटेजमध्ये सुकेश सेलमध्ये दिसत आहे. पलंग जमिनीवर आहे. तसेच आतील कपाटात काही कपडे व इतर वस्तू दिसत आहेत.
सूत्रांनी दिलेल्या माहितीनुसार, तुरुंग अधिकाऱ्यांनी सुकेशच्या सेलची झडती घेतली आहे. यादरम्यान पॅन्टच्या दोन जोड्या, गुच्ची शूज जप्त करण्यात आले आहेत. जप्त केलेल्या पॅन्टची किंमत अंदाजे 80,000 रुपये आणि चपलाची किंमत सुमारे 1.5 लाख रुपये आहे.
