गावातील कुत्रे हे नेहमीच गावाची रक्षा करतात, असाच एक व्हायरल Video सध्या सोशल मिडीयावर फिरत आहे, ज्यात चक्क सिंहाला कुत्र्यांनी हाकलून लावल्याची घटना गुजरातच्या गिर सोमनाथ येथून समोर आली आहे. या व्हिडिओमध्ये दिसत आहे की जंगलाचा राजा बब्बर सिंह आपल्या मस्तीत गावातून जात आहे आणि कुत्र्यांचा कळप त्याच्यावर भुंकत आहे, परंतु सिंहावर काही फरक पडत नाही.
गुजरातमधील गीर सोमनाथची घटना 22 मार्चची आहे.
मिळालेल्या माहितीनुसार, ही घटना 22 मार्च म्हणजेच मंगळवारची आहे. याचा एक व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ खूपच धक्कादायक आहे, कारण हे प्रकरण जंगलाचा राजा बब्बर आणि गल्लीतील कुत्र्यांमधील आहे. गुजरातमधील गिर सोमनाथमध्ये मध्यरात्री एका गावात सिंह घुसला. गावातील शांततेत सिंह विसावल्याचे पाहून भटक्या कुत्र्यांमध्ये घबराट पसरली.
गावात लावलेल्या सीसीटीव्ही कॅमेऱ्यांनी ही घटना कैद केली
कुत्र्यांची टोळी सिंहाच्या मागे लागली. भुंकून सिंहाला हाकलण्याचा प्रयत्न केला, पण सिंह मस्तीत रस्त्याने चालत राहिला. ही संपूर्ण घटना गावात लावण्यात आलेल्या सीसीटीव्ही कॅमेऱ्यात कैद झाली आहे. ही घटना सकाळी ग्रामस्थांना समजताच त्यांना धक्काच बसला. हे सीसीटीव्ही फुटेज सध्या सोशल मीडियावर व्हायरल होत आहे.
जुनागडमध्ये 9 सिंह दिसले
या वर्षी फेब्रुवारी महिन्यातही या गावात सिंहांची हालचाल पाहायला मिळाल्याचे सांगितले जाते. मीडिया रिपोर्टनुसार, गुजरातमधील जुनागड येथून काही वेळापूर्वी एक व्हिडिओ व्हायरल झाला होता. येथे सीसीटीव्ही कॅमेऱ्यात 9 सिंहांचा कळप कैद झाला आहे. हे पाहून लोकांनाही धक्का बसला.
