Mithun Chakraborty : ज्येष्ठ अभिनेते मिथुन चक्रवर्ती यांच्या नावावर आणखी एका कामगिरीची भर पडली आहे. त्यांना दादासाहेब फाळके पुरस्कार प्रदान करण्यात येत आहे. केंद्रीय मंत्री अश्विनी वैष्णव यांनी ट्विट करून याची घोषणा केली आहे. राष्ट्रीय चित्रपट पुरस्कार सोहळ्यात मिथुनला हा पुरस्कार प्रदान करण्यात येणार आहे. हा पुरस्कार सोहळा 8 ऑक्टोबर 2024 रोजी आयोजित केला जाईल.
केंद्रीय मंत्री अश्विनी वैष्णव यांनी X वर पोस्ट शेअर केली आहे. 8 ऑक्टोबर रोजी 70 व्या राष्ट्रीय चित्रपट पुरस्कार सोहळ्यात हा पुरस्कार प्रदान करण्यात येणार आहे.
ट्विटमध्ये लिहिले आहे की, ‘मिथुन चक्रवर्तीचा उल्लेखनीय सिनेमॅटिक प्रवास पिढ्यांना प्रेरणा देतो. भारतीय चित्रपटसृष्टीतील योगदानाबद्दल त्यांना हा सन्मान देण्यात येत आहे. अभिनेत्यासाठी हा प्रतिष्ठेचा पुरस्कार जाहीर झाल्यानंतर त्याचे चाहते खूप आनंदित झाले आहेत.
अभिनेता मिथुन केवळ अभिनयातच नाही तर ॲक्शन आणि डान्समध्येही निष्णात आहे. बंगाली, हिंदी, ओरिया, भोजपुरी, तमिळ, तेलगू, कन्नड आणि पंजाबी अशा विविध भाषांमध्ये त्यांनी अनेक उत्तम चित्रपट केले आहेत. दो अंजाने हा त्याचा बॉलिवूड डेब्यू चित्रपट होता. या चित्रपटात त्यांची खूप छोटी भूमिका होती. यानंतर त्यांनी तेरे प्यार में, प्रेम विवाह, हम पांच, डिस्को डान्सर, हम से है जमाना, घर एक मंदिर, अग्निपथ, तितली, गोलमाल 3, खिलाडी 786 आणि द ताश्कंद फाइल्समध्ये काम केले.
अभिनयाव्यतिरिक्त मिथुन चक्रवर्ती यांनी मार्शल आर्ट्सचे तज्ञ प्रशिक्षण घेतले आहे आणि ते ब्लॅक बेल्ट देखील आहेत. मिथुन 80 च्या दशकातील लोकप्रिय अभिनेते असून सुद्धा आजही त्यांचे चाहते भरपूर आहेत. हिंदी चित्रपटांमध्ये त्यांनी नृत्याला नवी ओळख दिली. एक काळ असा होता की मिथुनच्या डान्समुळेच अनेक चित्रपट हिट झाले..
Union Minister Ashwini Vaishnaw tweets "Honoured to announce that the Dadasaheb Phalke Selection Jury has decided to award legendary actor Mithun Chakraborty for his iconic contribution to Indian Cinema. To be presented at the 70th National Film Awards ceremony on October 8" pic.twitter.com/31ell7bD1D
— ANI (@ANI) September 30, 2024
