Viral Video : फ्लाइट टेक ऑफ आणि लँडिंग दरम्यान सर्वात मोठा धोका उद्भवतो. सर्व प्रवाशांना आधीच सतर्क केले जाते. सध्या, एक व्हिडिओ व्हायरल होत आहे ज्यात फ्लाइटने टेक ऑफसाठी वेग वाढवला असताना काही सेकंद आधी त्याचे अनेक टायर फुटले. त्यामुळे शेकडो प्रवाशांचा जीव धोक्यात आला होता मात्र सुदैवाने सर्वजण बचावले.
याशी संबंधित एक व्हिडिओ सोशल मीडियावर व्हायरल होत आहे, ज्यामध्ये फ्लाइट उडताना दिसत आहे. मात्र, टेकऑफपूर्वीच विमानाचे टायर फुटल्याने ते थांबवावे लागले. अमेरिकन एअरलाइन्सचे विमान बुधवारी एका मोठ्या अपघातातून थोडक्यात बचावले. हे विमान फ्लोरिडा विमानतळावरून उड्डाण करत होते.
टेक ऑफ करण्यापूर्वी टायर फुटला
टेकऑफच्या काही सेकंद आधी विमानाचे अनेक टायर एकाच वेळी फुटले. मात्र, वैमानिकाने विमान न उडवण्याचा निर्णय घेतल्याने विमान धावपट्टीवर बाजूला उभे राहिले. या घटनेचा एक व्हिडिओ समोर आला आहे, ज्यामध्ये विमानाच्या टायरमधून वेगाने धूर निघत असल्याचे पाहायला मिळत आहे.
विमानात किमान १७४ प्रवासी आणि सहा क्रू मेंबर्स असल्याची माहिती मिळाली. यापैकी कोणीही जखमी झाले नाही आणि सर्वांना सुखरूप बाहेर काढण्यात आले. या विमानाच्या अपघातानंतर इतर विमानांच्या उड्डाणावर कोणताही परिणाम झालेला नाही. विमान कंपन्यांनी प्रवाशांची माफी मागितली आहे.
विमानात बसलेल्या प्रवाशांना त्या विमानातून उतरवून विमानतळावर परत पाठवण्यात आले. काही वेळाने दुसऱ्या विमानाची व्यवस्था करून मग प्रवाशांना पाठवण्यात आले.
