मूर्तिजापूर : येथील प्रतिष्ठीत नागरिक,समाजसेवक व माजी नगरसेवक, किराणा व्यापारी असोसिएशनचे अध्यक्ष तथा राष्ट्रवादी काँग्रेसचे जिल्हा उपाध्यक्ष इब्राहीम घाणीवाला यांची मुलगी शिफा व मुलगा रजा या दोघांनीही आपापल्या सेटल्ड करीअरच्या बाहेर जाऊन कायद्या (एलएलबी) ची पदवी प्राप्त केली असून मुस्लीम समाजातील या भावंडांचे सर्वत्र कौतुक होत आहे. आधीच पदव्यूत्तर पदवी धारण करणाऱ्या शिफा हिने आपल्या एलएलबी चे श्रेय तिच्या वडीलांना दिले आहे व इस्लामिक स्टडीज मध्ये तिला मास्टर्स डिग्री मिळवायची आहे. मनात आणलं तर तुम्ही इतरांसाठी रोल मॉडेल बनु शकता असा सल्ला तिने मुस्लीम समाजातील मुलींना दिला आहे.
बांधकाम अभियांत्रिकीची पदवी घेऊन बांधकाम क्षेत्रात कार्यरत रजा याने आवड म्हणून एलएलबी केले असून तांत्रिक क्षेत्रातून कायद्याच्या क्षेत्रात येणे आव्हानात्मक होते, मात्र कठोर परीश्रमाने ते साध्य केल्याचे सांगून यशाचे श्रेय कुटुंबियांना दिले. शिस्तबद्ध नियोजन तुम्हाला कुठल्याही क्षेत्रात सहज यश मिळवून देईल, असा सल्ला त्यांनी युवकांना दिला.
