IND Vs ZIM T20 : झिम्बाब्वे क्रिकेटने 6 फेब्रुवारीला भारतासोबत घरच्या मैदानावर टी-20 मालिका खेळण्याची घोषणा केली आहे. भारत आणि झिम्बाब्वे यांच्यातील ही टी-20 मालिका टी-20 विश्वचषक 2024 नंतर खेळवली जाईल. मंगळवारी 6 फेब्रुवारी रोजी, भारतीय क्रिकेट नियंत्रण (BCCI) आणि झिम्बाब्वे क्रिकेट बोर्डाने या मालिकेची घोषणा केली आहे. दोन्ही संघांमधील ही मालिका 6 जुलै 2024 पासून सुरू होणार आहे.
भारतीय संघ ही मालिका फक्त झिम्बाब्वेमध्ये खेळणार आहे. झिम्बाब्वे क्रिकेटने जारी केलेल्या निवेदनात म्हटले आहे की, ही मालिका आयोजित करण्याचा उद्देश द्विपक्षीय संबंध अधिक दृढ करणे आणि दोन्ही क्रिकेट मंडळांमधील सहकार्याच्या भावनेला चालना देणे हा आहे. आपला आनंद व्यक्त करताना, झिम्बाब्वे क्रिकेटचे अध्यक्ष तवेंगवा मुकुहलानी म्हणाले, “जुलैमध्ये होणाऱ्या T20I मालिकेसाठी भारताचे यजमानपदासाठी आम्ही पूर्णपणे रोमांचित आहोत, जे या वर्षी घरच्या भूमीवर आमचे सर्वात मोठे आंतरराष्ट्रीय आकर्षण असेल.
ते पुढे म्हणाले की, “क्रिकेट खेळाला नेहमीच भारताच्या प्रभावाचा आणि खेळाप्रती असलेल्या समर्पणाचा खूप फायदा झाला आहे आणि मी पुन्हा एकदा झिम्बाब्वे दौऱ्यासाठी वचनबद्ध झाल्याबद्दल बीसीसीआयचे खूप आभार मानू इच्छितो.”
याबाबत बीसीसीआयचे सचिव जय शाह म्हणाले, “बीसीसीआयने जागतिक क्रिकेट समुदायाला योगदान देण्यात नेहमीच आघाडीची भूमिका बजावली आहे. आम्ही समजतो की झिम्बाब्वेच्या पुनर्बांधणीचा हा काळ आहे आणि झिम्बाब्वे क्रिकेटला यावेळी आमच्या पाठिंब्याची गरज आहे.
Zimbabwe will host India in a bilateral T20I series for the first time since 2016.
— ICC (@ICC) February 6, 2024
Details 👇https://t.co/G9v6EZSDwx
भारत आणि झिम्बाब्वे यांच्यातील ही टी-20 मालिका जुलै 2024 मध्ये खेळवली जाणार आहे. मात्र, या मालिकेत अजून बराच वेळ शिल्लक असल्याने दोन्ही संघांकडून अद्याप कोणतीही घोषणा करण्यात आलेली नाही. याआधी भारतीय संघ 2024 चा टी-20 विश्वचषक खेळणार आहे. जे जूनमध्ये सुरू होईल. या टी-20 मालिकेचे संपूर्ण वेळापत्रक जाहीर झाले आहे. या मालिकेतील सर्व सामने हरारे येथे होणार आहेत.
पहला मैच- 6 जुलाई (हरारे)
दूसरा मैच- 7 जुलाई (हरारे)
तीसरा मैच- 10 जुलाई (हरारे)
चौथा मैच- 13 जुलाई (हरारे)
पांचवां मैच- 14 जुलाई (हरारे)
झिम्बाब्वे चौथ्यांदा भारताविरुद्ध टी-20 मालिकेचे यजमानपद भूषवणार आहे. याआधी झिम्बाब्वेने 2010, 2015 आणि 2016 मध्ये भारतीय संघाविरुद्ध टी-20 मालिकेचे आयोजन केले होते. आता चौथ्यांदा झिम्बाब्वे टी-20 मालिकेचे यजमानपदासाठी सज्ज झाला आहे.
दोन्ही संघांमध्ये अनेक टी-20 सामने खेळले गेले असले तरी. पण यावेळी भारत आणि झिम्बाब्वे 2022 च्या टी-20 विश्वचषकात आमनेसामने आले. भारतीय संघाने हा सामना 71 धावांनी जिंकला. या सामन्यात भारतीय संघाचा स्फोटक फलंदाज सूर्यकुमार यादवने अप्रतिम खेळी केली. या सामन्यात सूर्यकुमार यादवच्या बॅटमधून अवघ्या 25 चेंडूत 61 धावा झाल्या.
