Japan : सध्याच्या घडीला जापान देश मोठ्या नैसर्गिक तसेच अपघाती आपत्तीला तोंड देत आहे. तर आता लँडिंग करताना विमानाला आग लागली. टोकियो विमानतळावर ही घटना घडली. हा अपघात कशामुळे झाला हे अद्याप स्पष्ट झालेले नाही. मात्र, जपानी वृत्तसंस्था NHK ने अपघाताबाबत मोठी माहिती दिली आहे. एनएचकेने अधिकाऱ्यांच्या हवाल्याने सांगितले की, विमान लँडिंगनंतर दुसऱ्या विमानाला धडकल्याने आग लागल्याचा संशय आहे.
अनेक परदेशी माध्यमांनी या घटनेचे फुटेज प्रसिद्ध केले आहेत. यामध्ये विमानाची खिडकी स्पष्ट असून तिच्या खालून ज्वाला बाहेर पडताना दिसत आहेत.
जपानी मीडियानुसार आग लागलेल्या फ्लाइटचा नंबर JAL 516 होता आणि या फ्लाइटने होक्काइडो येथून उड्डाण केले होते. जपान एअरलाइन्स फ्लाइट 516 जपानी स्थानिक वेळेनुसार 16:00 (04:00) वाजता न्यू चिटोस विमानतळावरून निघाली आणि 17:40 (05:40) वाजता हानेडा येथे उतरणार होती.
"The tail-end has… just crashed on to the floor."
— Sky News (@SkyNews) January 2, 2024
An aircraft has caught fire on a runway at Tokyo's Haneda airport.https://t.co/ayTzbtRvAM
📺 Sky 501, Virgin 602, Freeview 233 and YouTube pic.twitter.com/7uYMRG93En
अग्निशमन दल आग विझवण्याचा प्रयत्न करत असल्याचे या घटनेच्या व्हिडिओमध्ये स्पष्टपणे दिसत आहे. असोसिएटेड प्रेस या वृत्तसंस्थेच्या वृत्तानुसार, किती लोक जखमी झाले आहेत याची माहिती अद्याप मिळालेली नाही.
【羽田空港 日本航空の機体が炎上】
— NHKニュース (@nhk_news) January 2, 2024
国土交通省東京空港事務所によりますと、羽田空港でJALの旅客機から炎があがっていると聞いているが客が搭乗しているかどうかなどはまだわからない、情報を確認中だと話していました。https://t.co/UGWveQ1hVi#nhk_video pic.twitter.com/s4YDQhcfll
दरम्यान, जपान टाइम्सने दिलेल्या वृत्तानुसार, एकूण 367 लोकांना विमानातून सुखरूप बाहेर काढण्यात आले असून परिस्थिती नियंत्रणात आहे. त्याच वेळी, जपान तटरक्षक दलाने सांगितले आहे की जेएएल 516 ची टक्कर झालेल्या विमानातील पाच क्रू सदस्य बेपत्ता आहेत, वैमानिकाला सुखरूप बाहेर काढण्यात आले आहे.
