मूर्तिजापूर तालुक्यात गेल्या दोन दिवसापासून होत असलेल्या अवकाळी पावसामुळे शेतकऱ्यांच्या पिकांचे अतोनात नुकसान झाले आहे. यामध्ये फळबाग, भाजीपाला, पिकासह कपाशी तूर चना कांदा यांचा समावेश असल्याने शेतकरी मोठ्या संकटात सापडला आहे.
त्यामुळे शेतकऱ्यांची आर्थीक ढासळलेली आहे, त्या अनुषंगाने आपल्या स्थरावरुन संबंधीत अधिकाऱ्यांना पिकाच्या नुकसानीचे पंचनामे करण्याबद्दल आदेश देऊन संबंधीत मुर्तिजापुर तालुक्यातील शेतकऱ्यांना आर्थीक मदत देण्यात यावी यासाठी मूर्तिजापूर तालुकातील शेतकरी व अकोला जिल्हा शेतकरी संघटना तसेच विदर्भ आंदोलन समितीच्या वतीने मूर्तिजापूर तहसीलदार यांना निवेदन देण्यात आले.
यावेळी अकोला शेतकरी संघटनेचे सुरेश जोगळे, गुलाबराव पाटील म्हसाये, अरविंद तायडे, रवींद्र ठाकरे, शरद सरोदे, पंकज वानखेडे, मोहन इंगळे, योगेश हरणे, अकुश सरोदे, मोहन इंगळे, बाळासाहेब ठोकळ, बाळासाहेब खांडेकर. प्रदीप ठाकरे, साबुद्दिन यांनी निवेदन दिले.
